ފްލައި ދުބާއީ ދަތުރުތަށް ފެށުމާއި އެކު މޯލްޑިވިއަން އިން ހުވަދޫ ކަނެކްޝަން ދޭނެ ކަމަށް މޯލްޑިވިއަން ހާމަކޮށްފިއެވެ.
މޯލްޑިވިއަން އާއި މިކަމުގެ މަޝްވަރާތައްވެސް މިހާރު ކުރިއަށް ގެންގޮސްފައިވާއިރު، ފްލައި ދުބާއީ ދަތުރުތަށް އަންނަ އަހަރު ފެބްރުއަރީ މަހު 4 ގައި ފެށުމަށް ވަނީ ހަމަޖެހިފައެވެ.
މިއާއެކު މި ދަތުރުތަށް ފެށުމުން ކޫއްޑޫއަށް ފްލައިޓު ޖައްސާތާ ދެ ގަޑިއިރު ތެރޭ ކަނެކްޝަން ދިނުމަށް މަސައްކަތް ކުރަމުންދާ ކަމަށް މޯލްޑިވިއަންއިން ހާމަކުރެއެވެ. މޯލްޑިވިއަން އިން ބުނެފައިވަނީ ގަމުން ކޫއްޑޫއަށް ކުރާ ދަތުރު ނަގާނީ 40 މިނެޓު ކަމަށެވެ.
We are very happy for the out come of todays meeting with @MaldivianAero regarding southern connectivity from @Ganairportco @GaisNaseer pic.twitter.com/wR7DX6hePa
— Mohamed Firaq (@mohamedfiraq) November 27, 2022
މިއާއެކު ހުވަދޫ އަތޮޅުގެ ރިސޯޓުތަކާއި އެކުވެސް މޯލްޑިވިއަންއިން މަޝްވަރާތައް ފަށާފައިވާ ކަމަށް އެކުންފުނިން ހާމަކުރެއެވެ. އަދި މިކަން އެކުންފުނީގެ ޑެޕިއުޓީ މެނޭޖިންގް ޑިރެކްޓަރ އައިޝަތު ޖެނިފަރ އައްޑޫލައިވްއަށް ވަނީ ކަށަވަރުކޮށްދެއްވާފައެވެ.
ފްލައި ދުބާއީގެ ދަތުރުތައް އައްޑޫއަށް ފަށާއިރު، މިއީ ގިނަ މަންޒިލްތަކާއި އައްޑޫއާއި ގުޅުވާލެވޭނެ ދަތުރުތަކެއް ކަމަށް އޭސް އެވިއޭޝަންގެ މެނޭޖިންގެ ޑިރެކްޓް މުހައްމަދު ފިރާޤް ވިދާޅުވެއެވެ.
މިވަގުތު ބައިނަލްއަޤްވާމީ ދަތުރު ގަމަށް ކުރަނީ ސްރީލަންކަން އެއަރލައިންސް އިން އެކަނިއެވެ.