އަންހެން ލިޑަރުންގެ ގޮތުގައި ގައުމުތައް ހިންގެވުމުވެ ޒިންމާ ނަންގަވަމުން ގެންދަވާ ނިއު ޒީލެންޑްގެ ބޮޑުވަޒީރު ޖަސިންޑާ އާޑެން އާއި ފިންލޭންޑް ބޮޑުވަޒީރު ސަނާ މާރިން ބައްދަލުކުރެއްވުމާ ބެހޭ ގޮތުން ނޫސްވެރިން ކުރި ބައެއް ސުވާލުތަކާ ހިތްޕުޅާ ނުވެގެން ރައްދު ދެއްވައިފި އެެވެ.
ފިންލޭންޑްގެ ބޮޑުވަޒީރު ކަމަށް 2019 ގައި ވަޑައިގެންނެވި 37 އަހަރުގެ ސަނާ، މަގާމާ ހަވާލުވެވަޑައިތް ފަހުން ނިއު ޒީލޭންޑް ކުރައްވާ ފުރަތަމަ ދަތުރުގައި މިހާތު ހުންނެވީ އެ ގައުމުގަ އެވެ. ނިއު ޒީލޭންޑްގެ ބޮޑުވަޒީރު ކަމަށް ޖަސިންޑާ، 42، ވަޑައިގެންނެވީ 2017 ގަ އެވެ.
🇫🇮🤝🇳🇿
PM @MarinSanna met with PM of New Zealand @jacindaardern in Auckland.
This was the first ever visit by a Finnish Prime Minister to New Zealand.
Press release👇https://t.co/4izPwLlTh6
— Finnish Government (@FinGovernment) November 29, 2022
މި ދެ ބޭފުޅުން އިއްޔެ ރަސްމީކޮށް ބައްދަކުރައްވައި އޮކްލޯންޑްގައި ނޫން ކޮންފަރެންސެއް ބޭއްވި އެވެ. އެ ނޫސް ކޮންފަރެންސްގައި ބައެއް ނޫސްވެރިން ވަނީ މި ދެ ބޭފުޅުންގެ އުމުރާއި އަދި ދެ ބޭފުޅުން ބައްދަކުކުރެއްވީ އަންހެން ބޭފުޅުންނަށްވާތީތޯ ސުވާލުކޮށްފަ އެވެ.
އެފަދަ ބައެއް ސުވާލުތަކާ ހިތްޕުޅާ ނުވެގެން ޖަސިންޑާ ވިދާޅުވީ އެ ބޭފުޅުންނަކީ ފިރިހެން ބޭފުޅުން ނަމަ ނޫސްވެރިން އެފަދަ ސުވާލުތަކެއް ކުރައްވާނެތޯ އައްސަވައިފަ އެވެ.
Watch NZ Prime Minister Jacinda Ardern pick apart this reporter's question during a joint press conference with Finnish PM Sanna Marin. He asked the pair 'are you two meeting because you're similar in age and got a lot of common stuff there?'
Read more: https://t.co/eTtJEqJoFZ pic.twitter.com/UBEZs1kzvF— SBS News (@SBSNews) November 30, 2022
"ހިތަށް އަރާ މިސާލަކަށް އެއް އުމުރެއްގެ ބަރަކް އޮމާބާ [އެމެރިކާގެ ކުރީގެ ރައީސެއް] އާއި ޖޯން ކީ [ނިއު ޒީލެންޑްގެ ކުރޫފެ ބޮޑުވަޒީރެއް] ބައްދަލުކުރެއްވީމަ އެއީ ކީއްވެގެން ކުރައްވާ ބައްދަލުވުމެއްތޯ ނޫސްވެރިން ސުވާލު ކުރެއްވާނެކަމާ ދޭތެރޭ،" އޭނާ ވިދާޅުވި އެވެ. "ގަބޫލުކުރަން ސިޔާސީ ދާއިރާގައި ފިރިހެނުންގެ ނުޒޫފު ގަދަކަން. ހަގީގަތަކީ ވެސް އެއީ. އެކަމަކު އަންހެން ދެ ލީޑަރަކު ބައްދަލުކުރެއްވީމަ އެކަން ދެ އަންހެނުންގެ ބައްދަލުވުމެއްގެ ގޮތުގައި ސިފަކުރުން ރަނގަޅެއް ނޫން."
ޖަސިންޑާ ވިދާޅުވީ އާއި އޭނަ ސަނާގެ ބައްދަލުވުމަކީ ލީޑަރުންގެ ހައިސިއްޔަތުން ސިޔާސީ ގޮތުން ކުރައްވާ ބައްދަލުވުމެއް ކަމަށެވެ. އަދި އެއީ ދެ ބޮޑުވަޒީރެއްގެ ބައްދަލުވުމެއް ކަމަށް ވެސް ވިދާޅުވި އެވެ.
ފިންލޭންގެ ވިޔަފާރިވެރިންގެ ވަފުދަކާ އެކީ ނިއު ޒީލެންޑަށް ކުރައްވާ ދަތުރު ސަނާ ނިންމަވައިލައްވާނީ އަންނަ ހަފުތާގެ ކުރީކޮޅު އެވެ.