އެމެރިކާގެ ރައީސް ކަމަށް 2024 ގައި އަލުން ކުރިމަތިލާނެ ކަމަށް ޓްވިޓާގައި މީގެ ހަފުތާއެއްހާ ދުވަސް ކުރިން އިއުލާންކުރި އެމެރިކާގެ މަޝްހޫރު ރެޕާ ކަންޔޭ ވެސްޓްގެ ޓްވިޓާ އެކައުންޓް ސަސްޕެންޑްކޮށްފި އެވެ.
ޔޭގެ ނަމުގައި ބޭނުން ކުރަމުން އައި އެކައުންޓް މިދިޔަ ހުކުރު ދުވަހު ސަސްޕެންޑްކުރީ އުސޫލުތަކާ ހިލާފުވެގެން ކަންޔޭގެ ޓްވިޓާ އެކައުންޓް ސަސްޕެންޑްކޮށްފައި އޮންނަތާ ދުވަސްތަކެއް ފަހުން، މީގެ ދެ މަސް ކުރިން އެކައުންޓް އިޔާދަކޮށް ދީފައި ވަނިކޮށެވެ. އެމެރިކާގެ މަޝްހޫރު ރިލިއަލިޓީ ޝޯ ތަރި، ކިމް ކާޑޭޝިއަންގެ ކުރީގެ ފިރިމީހާގެ ޓްވިޓާ އަލުން ސަސްޕެންޑްކުރީ އޭގެ އުސޫލުތަކާ ހިފާލުވުމުން ކަމަށް ކަންޔޭގެ ފޮލޯވަރަކު އެކައުންޓް އިޔާދަކޮށްދޭން އެދުމުން އޭގެ ރައްދުގައި ޓްވިޓާގެ މީ މިހާރުގެ ވެރިޔާ މަހުޖަނު އީލޮން މަސްކް ވިދާޅުވެފައިވެ އެވެ.
I tried my best. Despite that, he again violated our rule against incitement to violence. Account will be suspended.
— Elon Musk (@elonmusk) December 2, 2022
ކަންޔޭ މި ފަހަރު ޓްވިޓާ އިން ފެއަށް ޖެއްސީ ހިޓްލަރަށް ތާއީދުކޮށް، ސްވަސްޓިކާ ނިޝާން ވެސް ޓްވީޓްކޮށްފައި ވަނިކޮށެވެ. އޭނަގެ ޓްވިޓާ ފޮލޯވަރުންގެ އަދަދު 30 މިލިއަނަށް ވުރެ ގިނަ އެވެ.
އޭނަ އަށް ޓްވިޓާ ބޭނުން ނުކުރެވޭ ގޮތް މި ހެދީ އީލޮން ޓްވިޓާ ބައްލަވައިގަތް ފަހުން، ކުރިން ސަސްޕެންޑްކޮށްފައި ހުރި ބައެއް އެކައުންޓްތައް އިޔާދަ ވެސް ކޮށް ދަމުން އަންނަ ދަނޑިވަޅެއްގަ އެވެ.