މަސްވެރިންގެ ދުވަހުގެ ހިތްހަމަޖެހުމެއް، އުފަލެއް ނުލިބޭ ކަމަށް ވިދާޅުވެ މަޑަވެލީ ދާއިރާގެ މެންބަރު ހުސައިން ފިރުޝާން، ފިޝަރީޒް މިނިސްޓަރު ޑރ. ހުސައިން ރަޝީދު ހަސަންއަށް ފާޑު ވިދާޅުވެއްޖެއެވެ.
މިއަދު ރާއްޖޭގައި މަސްވެރިންގެ ދަވަސް ފާހަގަ ކުރަމުން އަންނައިރު ޑރ. ހުސައިން ކުރެއްވި ޓްވީޓައް ރައްދު ދެއްވާ މެންބަރު ފިރުޝާން ވިދާޅުވީ މަސްވެރިން ކުރާ މަސައްކަތަށް ލުޔެއް ހޯދުމާއި، މަސްވެރިކަމުގެ ސިޔާސަތު ތަންފީޒު ކުރުމުގައި މިނިސްޓަރު ހުސައިން ފެއިލް ވެފައިވާ ކަމަށެވެ.
އޭގެ އެއް މިސާލަކީ ހޯޑެއްދޫގައި ހަދަމުން ގެންދާ މަސްފެކްޓްރީ ކަމަށް ފިރުޝާން ވިދާޅުވިއެވެ.
ފިރުޝާން ވިދާޅުވީ ދެކުނުގެ މަސްވެރިންނަށް ފަސޭހައެއް ހޯއްދަވައި ދެއްވުމަށް މަސައްކަތްކުރާނަމަ ހޯޑެއްދޫ މައްސަލަ ހައްލު ކުރައްވާނެ ކަމަށެވެ.
"އެމައްސަލަ ހައްލު ކުރުމުގައި މަނިކުފާނުވަނީ، ފަހަތަށް ޖެހިވަޑައިގެންފަ. އެ މައްސަލަ މަތީ އިށީންނަވައިގެން ތިން އިންނަވަނީ އަމިއްލަ މަސްލަހަތު އިސްކުރުމުގައި." މިނިސްޓަރު ހުސައިންއަށް ފާޑުވިދާޅުވެ ފިރުޝާންގެ ޓްވީޓްގައި ވިދާޅުވެފައިވެއެވެ.
ދެކުނުގެ މަސްވެރިންނަށް ލުޔެއް ފަސޭހައެއް ހޯއްދަވައި ދެއްވުމަށް މަސައްކަތްކުރާނަމަ އެ މައްސަލަ ހައްލު ކުރައްވާނެ. އެމައްސަލަ ހައްލު ކުރުމުގައި މަނިކްފާނުވަނީ، ފަހަތަށް ޖެހިވަޑައިގެންފަ. އެ މައްސަލަ މަތީ އިށީންނަވައިގެން ތިން އިންނަވަނީ އަމިއްލަ މަސްލަހަތު އިސްކުރުމުގައި. 2/2
— Hussain Firushan 🇲🇻 (@husnfirey) December 10, 2022
ހޮރައިޒަން ފިޝަރީޒްއަށް ހޯނޑެއްދޫއިން މަސްފެކްޓަރީ އަޅަން ދޫކޮށްފައިވާ ބިމުގެ އެގްރީމަންޓްގެ މައްސަލަ މެންބަރު ފިރުޝާން ވަނީ އެތައް ފަހަރަކު ރައްޔިތުންގެ މަޖިލީހުގައި ފާހަގަކުރައްވާފައެވެ. އަދި އެ މައްސަލައިގައި މިނިސްޓަރު ހުސައިންއާވެސް މަޖިލީހުގައި ސުވާލުކޮށް އެ މައްސަލަ މަޖިލީހުގެ ކޮމިޓީއަށްވެސް ހުށަހަޅާފައިވެއެވެ.