ފުލުހެއްގެ ގައިގައި ޖަހައި މާރާމާރީ ހިންގި މީހަކު އައްޑޫ ހިތަދޫން ހައްޔަރުކޮށް އޭނަގެ ބަންދަށް 15 ދުވަސް ޖަހާފައިވާ ކަމަށް ފުލުހުން ބުނެފި އެވެ.
ފުލުހުން ބުނީ ރަށުތެރެ ޕެޓްރޯލް ކުރަން އުޅުނު ފުލުހެއްގެ ގައިގައި މި މަހުގެ 6 ވަނަ ދުވަހުގެ ރޭ އަތުން ޖަހައި މާރާމާރީ ހިންގި މައްސަލާގައި ހައްޔަރުކުރީ 28 އަހަރުގެ މީހެއް ކަމަށެވެ. އަދި އޭނާ މި މަހުގެ 7 ގައި ހައްޔަރުކުރީ ކޯޓް އަމުރެއްގެ ދަށުން ކަމަށާއި މައްސަލަ އިތުރަށް ތަހުގީގުކުރަމުން އަންނަ ކަމަށް ފުލުހުން ބުންޏެވެ.
މީގެ ކުރިން ވެސް އައްޑޫގައި ފުލުހުންނަށް ހަމަލާ ދިނުމުގެ މައްސަލަތައް ފެންމަތިވެފައިވެ އެވެ.