ޓެކްސް ބޮޑުކުރި ނަމަވެސް އެއަށް އަދި އަމަލު ކުރަން ނުފަށަނީސް ތެޔޮ އަގު ބޮޑުވެގެން ކަމަށް ބުނެ ވިޔަފާވެރިން ތަކެތީގެ އަގު ބޮޑުކުރަމުންދާތީ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ކަންބޮޑުވުން ފާޅުކުރައްވައިފި އެވެ.
އެލްމެނިއަމް ދޮރުފަތް ޖަހަން ބޭނުންކުރާ ތަކެތިން މިހާރު ބޮޑުކޮށް އަގު ނަގާތީ އެކަމާ ކަންބޮޑުވުން ފާޅުކޮށް މީހަކު ކުރި ޓްވީޓަކާ ގުޅިގެން ރޮޒޭ ކުރެއްވި ޓްވީޓްތަކެއްގައި ވިދާޅުވީ ވިޔަފާވެރިން މިގޮތަށް ރައްޔިތުންނަށް އޮޅުވައިލުން ހުއްޓާލަން ޖެހޭ ކަމަށެވެ.
Viyafaariverin migothah rayyithunnah olhuvaalun huttaalan eba jehey. GST ves boduvanee anna aharun feshigen. Ekamu mihaaru ehchehi agu bodu koffa eba buney GST boduvegenney. Mee boduvaru. Theyo agubodu vegen agubodu kuraa ehchehves theyo agu heyo viyas ves dhen agu heveh nukurey! https://t.co/uI4CT4exUf
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) December 13, 2022
"ޖީއެސްޓީ ވެސް ބޮޑުވާނީ އަންނަ މަހުން ފެށިގެން. އެކަމަކު މިހާރު އެއްޗެހީގެ އަގު ބޮޑުކޮށްފައި އެބަ ބުނޭ ޖީއެސްޓީ ބޮޑު ވެގެންނޭ،" ރޮޒޭ ވިދާޅުވި އެވެ. "މިއީ ބޮޑުވަރު. ތެޔޮ އަގުބޮޑުވެގެން އަގުބޮޑު ކުރާ އެއްޗިއްސަށް ވެސް ތެޔޮ އަގުހެޔޮ ވިޔަސް ދެން އަގު ހެވެއް ނުކުރޭ."
އޭނާ ވިދާޅުވީ ތެޔޮ އަގުބޮޑުވީމަ ތަކެތީގެ އަގު ވެސް ބޮޑުވާނެ ކަމަށް ގަބޫލުކުރައްވާ ކަމަށެވެ.
Theyo agu boduveema thakethi agubodu vaanekan qaboolu kuran. Namaves theyo agubodu veevarah vuren 2 gunayah gina thanthanun thakethi agubodu kollaafa mihunnanee. Mee varah dhera kameh. Mivaru kollaakah nuvaane!
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) December 13, 2022
"ނަމަވެސް ތެޔޮ އަގުބޮޑުވީ ވަރަށް ވުރެ ދެގުނަ އަށް ގިނަ ތަންތަނުން އަގުބޮޑުކޮށްލާފައި މި ހުންނަނީ،" ރޮޒޭ ވިދާޅުވި އެވެ. "މިއީ ވަރަށް ދެރަ ކަމެއް. މިވަރު ކޮށްލާކަށް ނުވާނެ."
އަންނަ މަހުން ފެށިގެން ޖީއެސްޓީ އަށް ނަގަން ނިންމާފައި ވަނީ 6 ޕަސެންޓްގެ ބަދަލުގައި 8 ޕަސެންޓެވެ. އަދި ޓީޖީއެސްޓީންް 12 ޕަސެންޓްގައި ނަގާނީ 16 ޕަސެންޓެވެ. ސަރުކާރުން ބުނެފައިވާ ގޮތުގައި ޓެކްސް ބޮޑުކުރީ ދައުލަތުގެ އާމްދަނީ ރަނގަޅުކުރުމުގެ ގޮތުންނެވެ.