ރާއްޖެ އަށް ޕީޕީއެމްގެ ބާރު އޮތް ވެރިކަމެއް އަތުވެއްޖެ ނަމަ ދެން ދުވަހަކު ވެސް ސަލާމަތް ނުވާނެކަން އެމްޑީޕީގެ މެމްބަރުންނަށް ސާފު ކަމަށް މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެ އެވެ.
އަންނަ އަހަރުގެ ރިޔާސީ އިންތިހާބަށް އިޝާރާތްކުރައްވައި އޭނަ މިއަދު ކުރެއްވި ޓްވީޓެއްގައި ވިދާޅުވީ އެމްޑީޕީ މެމްބަރުން އެދެނީ އެ ޕާޓީގެ ވެރިކަމެއް ދެން ވެސް އޮންނަން ކަމަށެވެ.
MDP Memberun edhenee MDP verikameh onnaan!!! MDP isve ove ufadhdhaa verikameh viyas Aniyaaveri Baehge aih machchah Gaumuge Verikan dheelaalan beynumeh Nuvey!!! MDP memberunnah Saafu vaa kamakee PPM ge baaru oih verikameh athuvejje nama Dhen Dhuvahaku ves salaamaih nuvaane kan!!!
— Feydhoo Meehaa (Mohamed Nihad) (@nihad_m) December 13, 2022
"އެމްޑީޕީ އިސްވެ އޮވެ އުފައްދާ ވެރިކަމަކަށް ވިޔަސް އަނިޔާވެރި ބައެއްގެ އަތްމައްޗަށް ގައުމި ދީލާލަން ބޭނުމެއް ނުވޭ." ނިހާދު ވިދާޅުވި އެވެ.
އޭނަ އަކީ މިހާރުގެ ރައީސް އިބްރާހީމް މުހައްމަދު ސޯލިހަށް ވަރަށް ބޮޑަށް ތާއީދުކުރައްވާ އަދި އަންނަ އަހަރުގެ ރިޔާސީ އިންތިހާބު ރައީސް ކާމިޔާބު ވެސް ކުރައްވާނެ ކަމަށް ތަކުރާރުކޮށް ވިދާޅުވަމުން ގެންދަވާ ބޭފުޅެވެ. އަދި ނިހާދަކީ ޕީޕީއެމް/ޕީއެންސީ ކޯލިޝަނާއި އޭގެ ރިޔާސީ ކެންޑިޑޭޓް ކުރީގެ ރައީސް އަބްދުﷲ ޔާމީނަށް ވަރަށް ބޮޑަށް ފާޑު ވިދާޅުވާ މެމްބަރެކެވެ.