ލ. ގަމުގައި 700 މީހުންގެ ޖާގައިގެ ޒަމާނީ އާ މިސްކިތެއް ބިނާކުރަން ސަރުކާރުން ނިންމައި، އެ މަސައްކަތް ބަޔަކާ ހަވާލުކޮށްފި އެވެ.
ގަމު ތުނޑީ އަވަށުގައި އެ މިސްކިތް އިމާރާތްކުރަން އިސްލާމިކް މިނިސްޓްރީން ހަވާލުކުރީ ފެޑޯ ޕްރައިވެޓް ލިމިޓެޑާ އެވެ. އެކަމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ އިސްލާމިކް މިނިސްޓަރު ޑރ. އަޙްމަދު ޒާހިރު އަލީ އެވެ. ފެޑޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ފަޔާޒެވެ.
ލ. ގަމު ތުނޑީ އަވަށުގައި މިސްކިތެއް އިމާރާތްކުރުމުގެ އެއްބަސްވުމުގައި ސޮއިކުރެއްވުން.
މިއީ 700 މީހުންގެ ޖާގައިގެ މިސްކިތެއް. pic.twitter.com/KfFPaJ3ire— Ministry of Islamic Affairs (@MVIaffairs) December 14, 2022
މި މިސްކިތަކީ ސަރުކާރުން 16.8 މިލިޔަން ރުފިޔާ ހަރަދުކޮށްގެން އިމާރާތްކުރަން ހަމަޖެހިފައިވާ މިސްކިތެކެވެ. މިސްކިތް ނިންމަން ޖެހެނީ މަސައްކަތް ފަށާތާ އަހަރެއްގެ ތެރޭގަ އެވެ.