ޑައިރެކްޓަރު ޒޯޔާ އަޚްތަރު ނެޓްފްލިކްސްއާ ގުޅިގެން ގެނެސްދޭން ހަމަޖެހިފައިވާ ފިލްމު "ދި އާޗީސް" ގެ ޝޫޓިން ނިންމާލައިފި އެވެ.
މިދިޔަ އަހަރުގެ ފަހުކޮޅު ޝޫޓިން ފެށި ފިލްމުގެ ޝޫޓިން އެއްކޮށް ނިންމައިލި ވާހަކަ ނެޓްފްލިކްސް އިންޑިއާ އިން މިއަދު ސޯޝަލް މީޑިއާގައި އާންމުކުރި ފޮޓޯތަކަކާ އެކު ހިއްސާކޮށްފައިވެ އެވެ. "ދި އާޗީސް" އަކީ ހުޅަނގުގެ ކޮމިކް ވާހަކަ އަށް ބިނާކޮށް ހަދާފައިވާ އެއްޗެކެވެ.
Grab your milkshakes and say Archiesssss, because filming just wrapped and we can't wait to see the gang on-screen! ❤🥰#TheArchiesonNetflix pic.twitter.com/Ma3LXscFOM
— Netflix India (@NetflixIndia) December 19, 2022
މިއުޒިކަލްއެއްގެ ގޮތުގައި ގެނެސްދޭން ހަމަޖެހިފައިވާ މި ފިލްމަކީ ވަރަށް ޒުވާން ފަންނާނުންތަކެއް ބޮލީވުޑަށް ތައާރަފުކޮށް ދޭނެ އެއްޗެކެވެ. އޭގެ ތެރޭގައި ޝާހްރުކް ޚާންގެ ދަރިފުޅު ސުހާނާ ޚާނާއި އަމީތާބް ބައްޗަންގެ ކާފަދަރިފުޅު އަަގަސްޓިއާ ނަންދާގެ އިތުރުން ކުރީގެ ބަތަލާ ސްރީދޭވީގެ ހަގު ދަރިފުޅު ހުޝީ ކަޕޫރް ހިމެނެ އެވެ.
— Netflix India (@NetflixIndia) December 19, 2022
"ދި އާޗީސް" ގެ ޝޫޓިން ނިންމައިލި ނަމަވެސް ބެލުންތެރިންނަށް ފިލްމު ގެނެސްދޭނެ އިރެއް އަދި އިއުލާނެއް ނުކުރެ އެވެ. އެކަމަކު ޔަގީނުން ވެސް މި ފިލްމު ވާނީ އަންނަ އަހަރު އެންމެ ގިނަ ބަޔަކު އިންތިޒާރުކުރާނެ އެއް ފިލްމަށެވެ.
"ދިލް ދަޅަކް ނޭ ދޯ" އާއި "ޒިންދަގީ ނާ މިލޭގީ ދުބާރާ" ފަދަ ކާމިޔާބު ފިލްމުތައް ގެނެސްދިން ޒޯޔާގެ އެންމެ ފަހުގެ ފިލްމަކީ އިންޑިއާ އިން 2020 ގެ އޮސްކާ އެވޯޑްސް އަށް ފޮނުވި "ގަލީ ބޯއި" އެވެ.