މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ބަނދަރުތަކުގެ ސަލާމަތާއި ރައްކާތެރިކަމާ ގުޅޭ ގޮތުން"ޕޯޓް ސޭފްޓީ ވީކް"ގެ ނަމުގައި އެމްޕީއެލްއިން ހަރަކާތެއް މިއަދު ފަށައިފި އެވެ.
ހެނދުނު އެމްޕީއެލްގެ ޕޯޓް ސަރަަހައްދުގައި ބޭއްވިރަސްމިއްޔާތެއްގައި އެ ހަރަކާތް ފައްޓަވައި ދެއްވީ އެ ކުންފުނީގެ ސީއީއޯ ޝާހިދު އަލީ އެވެ.
އެމްޕީއެލުން ބުބި ގޮތުގައި މާލޭގެ އިތުރުން އެ ކުންފުނީގެ ދަށުން އަތޮޅު ތެރޭގައި ވެސް ހިންގަމުން އަންނަ ޕޯޓްތަކުގައި "ޕޯޓް ސޭފްޓީ ވީކް" ކުރިއަށް ދާނީ މިއަދުން ފެށިގެން ހަފުތާއެއްގެ ނިޔަލަށެވެ. މިއީ މިކަން ކުރިއަށް ގެންދާ ތިން ވަނަ ފަހަރެވެ.
އެމްޕީއެލްއިން ޕޯޓް ސޭފްޓީ ވީކް ފެށީ 2019 ވަނަ އަހަރު އެވެ. އަދި މިއީ އެ ހަރަކާތް ކުރިއަށް ގެންދާ ތިންވަނަ އަހަރެވެ.
We have kicked off this year's Port Safety Week today at an event held at Malé Commercial Harbour.
Port Safety Week, a week of safety related activities, is aimed at promoting safety culture & safety awareness in all areas of operations conducted by MPL pic.twitter.com/cqJd4u2xdw
— Maldives Ports Limited (@Portmv) December 19, 2022
ޝާހިދު ވިދާޅުވި ގޮތުގައި "ޕޯޓް ސޭފްޓީ ވީކް" ގެ ތެެރެއިން މި ފަހަރު ބޮޑު ފޯރަމެއް ވެސް ބާއްވާނެ އެވެ. މީގެ އިތުރުން ބަނދަރުތަކުގެ މުވައްޒަފުންގެ ރައްކާތެރިކަމާ ގުޅޭ ގޮތުން ހޭލުންތެރިކަމުގައި ޕްރޮގްރާމްތަކާއި ޓްރެއިނިން ޕްރޮގްރާމްތައް ވެސް މި ކުރިއަށް ގެންދާނެ އެވެ.
"މި އަހަރުގެ ހަރަކާތްތަކުގައި ގިނަ މުވައްޒަފުންތަކެއް ބައިވެރިވާނެ." ޝާހިދު ވިދާޅުވި އެވެ.
މިއަދުގެ ރަސްމިއްޔާތުގައި ވަނީ އެމްޕީއެލްގެ ސޭފްޓީ ޑިޕާޓްމަންޓްގައި ގިނަ ދުވަހު މަސައްްކަތް ކުރި މުވައްޒަފުންނަށް ހަނދާނީ ލިޔުން ވެސް ދީފަ އެވެ.