ޓްވިޓާގެ ސީއީއޯގެ މަގާމުގައި އެ ކުންފުނީގެ އާ ވެރިޔާ މަހުޖަނު އީލޮން މަސްކް ހުންނަން ނުފެންނަ ކަމަށް އާންމުން ނިންމުމާ ގުޅިގެން އެ މަގާމު ދޫކޮށްލައްވަން އޭނާ ނިންމަވައިފި އެވެ.
މި ވާހަކަ މިއަދު ޓްވީޓް ކުރައްވައި އީލޮން ވިދާޅުވީ އާ ސީއީއޯ އަކު ހަމަޖެހުނުހާ އަވަހަކަށް އެ މަގާމުން އިސްތިއުފާ ދެއްވަން ނިންމަވާފައިވާ ކަމަށެވެ. އޭގެ ފަހުން ދެން އޭނާ ޓްވިޓާގައި ލީޑް ކުރައްވާނީ އޭގެ ސޮފްޓްވެއާ އެންޑް ސާވާ ޓީމް ކަމަށް ވިދާޅުވި އެވެ.
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
ސީއީއޯގެ މަގާމުގައި އޭނަ ހުންނަން ފެނޭތޯ ޓްވިޓާގައި މިދިޔަ އާދީއްތަ ދުވަހު އަމިއްލަ އަށް ހުޅުވާލި ޕޯލްގައި އީލޮންއާ ދެކޮޅަށް 57.5 މީހުން ވޯޓް ދިން އިރު، އެއްކޮޅަށް ވޯޓް ދިނީ 42.5 މީހުންނެވެ. އެ ޕޯލްގައި ޖުމްލަ 17,502,391 މީހުން ބައިވެރިވި އެވެ.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
އީލޮން 44 ބިލިއަން ޑޮލަރަށް ޓްވިޓާ ބައްލަވައިގަތީ އޮކްޓޯބަރު މަހު އެވެ.
އޭނާ ޓްވިޓާ ބައްލަވައިގަތް އިރު، އޭގެ ސީއީއޯގެ މަގާމުގައި ހުންނެވީ އިންޑިއާ އަށް ނިސްވަތްވާ ޕަރާގް އަގަރްވާލެވެ. ޓްވިޓާ މިލްކު ކުރެއްވުމަށް ފަހު އީލޮން ވަނީ ކުރީގެ ބޯޑް އުވާލައްވައިފަ އެވެ.