ރާއްޖޭން އިނގިރޭސިވިލާތަށް ބޭރުކުރާ މަހުގެ ޑިއުޓީ ދެ މަހެއްހާ ދުވަހުގެ ތެރޭގައި އެ ގައުމުން ކަނޑާލާނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިހާރުގެ ރައީސް ކުރެއްވި ޓްވީޓެއްގައި ވިދާޅުވީ އެ މަނިކުފާނުގެ ރަހުމަތްތެރި އިނގިރޭސިވިލާތުގެ ސަރުކާރުގެ ބައެއް ވެރިންގެ ފަރާތުން އެ މައުލޫމާތު ލިބިވަޑައިގެންފައިވާ ކަމަށެވެ.
Alhugaduge rahumaiytheri Ingireysi sarukaaruge baeh verin reygai vidhaalhuvee, lasvegen mianna 2 mas dhuvahuge therey Raajjein UK ah etherekuraa mahuge duty kan’daalaane kamah. Mi ee ufaaveri khabareh. Mikan mivanee Raajje ah heyo edhey baeh Ingireysi veringe bodu masakkathun
— Mohamed Nasheed (@MohamedNasheed) December 21, 2022
"ލަސްވެގެން މި އަންނަ ދެ މަސްތެރޭ ރާއްޖޭން ޔޫކޭ އަށް އެތެރެކުރާ މަހުގެ ޑިއުޓީ ކަނޑާލާނެ،" ނަޝީދު ވިދާޅުވި އެވެ. "މިއީ އުފާވެރި ޚަބަރެއް. މިކަން މި ވަނީ ރާއްޖެ އަށް ހެޔޮއެދޭ ބައެއް އިނގިރޭސި ވެރިންގެ ބޮޑު މަސައްކަތުން."
ރާއްޖޭން ޔޫރަޕްގެ ގައުމުތަކަށް ބޭރުކުރާ މަހުގެ ޑިއުޓީއާ ގުޅޭ ގޮތުން ބައެއް ގައުމުތަކުން ބައެއް ކަހަލަ ކަންކަމަށް ޑިމާންޑްތައް ކުރާތީ އެފަދަ ބައެއް ކަންކަމާ ގުޅިގެން ރާއްޖޭން އަބަދު ވެސް ރިވަޒޭވޭޝަނެއް ގެންގުޅެ އެވެ. ނަމަވެސް ޔޫރަޕަށް މަސް ބޭރުކުރަން ފުޅާކުރުމަކީ ހުރިހާ ސަރުކާރަކުން ވެސް މަސައްކަތްކުރާ ކަމެކެވެ.
ރާއްޖޭން ޔޫރަޕަށް ފޮނުވާ މަހުގެ ޑިއުޓީގެ ގޮތުގައި މިހާރު 22 ޕަސެންޓް ނަގަ އެވެ.