ސިޔާސީ ބައެއް ލީޑަރުން ކެމްޕޭންކޮށް ތާއީދު ހޯއްދަވަން މަސައްކަތް ކުރައްވަނީ އެހެން މީހުންގެ ބޮލުގައި ދޮގު ތުހުމަތާއި ވަގު ބަދުނާމު އަޅުއްވައިގެން ކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެ އެވެ.
އޭނަ މިއަދު ކުރެއްވި ޓްވީޓްތަކެއްގައި ވިދާޅުވީ އެފަދަ ބޭފުޅުން ދެކެވަޑައިގަނަންވާ ގޮތުގައި އެންމެ އަމާނާތްތެރީ ވެސް އެ ބޭފުޅުންނެވެ.
"އެ ބޭފުޅުންގެ އެއްވެސް އަމިއްލަ އަށް އެދުމެއް ވެސް ނޯންނާނެ." މަވޯޓާ ވިދާޅުވި އެވެ.
Campaign kuravvan adhi thaaidhu hoadhavvan baeh siyaasee laaderun gengulhuvvaa maigadu ukulhakee ehen meehun ge boluga dhogu thuhumathaa vagu badhunaam elhuvun. Ebeyfulhun ekani amaanaaitherinakee. E beyfulhun ge avves amilla edhumeh ves noannaane.
— Ibrahim Shareef (@AdduShareef) December 22, 2022
އޭނާ ވިދާޅުވީ ސަރުކާރުގެ ބައިވަރު ކޮންޓްރެކްޓްތައް ނަންގަވައިގެން ތިއްބެވި ބޭފުޅުންނާއި ސަރުކާރަށް ބޮޑުއަގުގައި ތަކެތި ވިއްކަވާ ބޭފުޅުން އެހެން މީހުންނާ ދިމާ އަށް އިނގި ދިއްކުރެއްވުމަކީ ހެއްވާ ވެސް ކަމެއް ކަމަށެވެ.
"ސަރުކާރުން އަޅުގަނޑު ކުރި ވައްކަމެއް، ހޯދި ނާޖާއީޒު މަންފާއެއް ނޯންނާނެ ކިތަންމެ ވަރަކަށް ސިޔާސީ ބޭނުމަށް އަބުރު ކަތިލިއަސް." މަވޯޓާ ވިދާޅުވި އެވެ.