ހަ ވަނަ ޓީޗާސް ކޮންފަރެންސް މިއަދު ހދ. ކުޅުދުއްފުށީގައި ފަށައިފި އެވެ.
ނޭޝަނަލް އިންސްޓިޓިއުޓް އޮފް އެޑިއުކޭޝަނުން ބާއްވާ ހަ ވަނަ "އިންޓަނޭޝަނަލް ޓީޗަސް ކޮންފަރެންސް" ފައްޓަވައި ދެއްވީ އެޑިއުކޭޝަން މިނިސްޓަރު ޑރ. އައިޝަތު އަލީ އާއި ފަސްޓްލޭޑީ ފަޒްނާ އަހުމަދެވެ.
Opening ceremony of 6th International Teachers’ Conference. First Lady Fazna Ahmed attended the ceremony as the chief guest, accompanied by Minister @aisthly and senior officials from the Ministry of Education. pic.twitter.com/2yS1XbTUNj
— Ministry of Education (@MoEdumv) December 24, 2022
މިއަދާއި މާދަމާ އަށް ކުރިއަށް ގެންދާ ޓީޗާސް މިކޮންފަރެންސްގައި ރާއްޖެ އާއި ރާއްޖޭން ބޭރުގެ 220 އަށް ވުރެ ގިނަ ޓީޗަރުން ބައިވެރިވެ އެވެ. ރާއްޖެން ބޭރުން ޓީޗަރުންގެ ބައިވެރިވާ ގައުމުތަކުގެ ތެރޭގައި ބަންގްލަދޭޝް، އިންޑިއާ، މެލޭޝިއާ އަދި ތުރުކީގެ ޓީޗަރުން ހިމެނެ އެވެ.
މި ކޮންފަރެންސްގައި ތަފާތު އެކި ދާއިރާތަކުން 43 ޢިލްމީ ދިރާސާ ކަރުދާސް ހުށައަޅައި، ހަތަރު ވޯކްޝޮޕް ކުރިއަށް ގެންދިޔުމަށް ހަމަޖެހިފައިވެ އެވެ. މީގެ އިތުރުން ތަޢުލީމީ ދާއިރާއާއި ގުޅޭ ދެ ޕެނަލް ޑިސްކަޝަނެއް ވެސް ކުރިއަށް ގެންދާނެ އެވެ.
— Ministry of Education (@MoEdumv) December 24, 2022
"އިންޓަނޭޝަނަލް ޓީޗަސް ކޮންފަރެންސް" އަކީ ކޮންމެ ދެ އަހަރަކުން އެއް ފަހަރު ބާއްވަމުން އަންނަ ތަޢުލީމީ ދާއިރާގެ އެންމެ ބޮޑު ކޮންފަރެންސެވެ.
މި މިކޮންފަރެންސް އެންމެ ފަހުން 2019 ގައި ބޭއްވީ އައްޑޫ ހިތަދޫގަ އެވެ.