އަންނަ މަހު ބާއްވާ އެމްޑީޕީގެ ޕްރައިމަރީގައި ވާދަކުރައްވަން ނިންމާފައިވާ ރައީސް އިބްރާހީމް މުހައްމަދު ސޯލިހުގެ ފަރާތުން މިއަދު ޕާޓީ އަށް ތާއީދު ފޯމް ހުށަހަޅައިފި އެވެ.
ރައީސްގެ ކެމްޕޭން މެނޭޖަރު އަދި ކިނބިދޫ ދާއިރާގެ މެމްބަރު މުހައްމަދު ނާޝިޒު މިއަދު ކުުރެއްވި ޓްވީޓެއްގައި ވިދާޅުވީ ޕްރައިމަރީގައި ވާދަކުރައްވަން ރައީސް 20،000 އަށް ވުރެ ގިނަ ފޯމް ހުށަހެޅުއްވި ކަމަށެވެ. ޕްރައިމަރީގައި ރައީސާ އެކީ ވާދަކުރައްވަނީ އެމްޑީޕީގެ ރައީސް މުހައްމަދު ނަޝީދެވެ. މިދިޔަ ހަފުތާގައި ނަޝީދު ވަނީ ފޯމް ހުށަހަޅުއްވައިފަ އެވެ.
2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް،20k އަަށް ވުރެގިނަ މެމްބަރުންގެ ތާއީދާއި އެކު، ރައީސް @ibusolih ގެ ކެންޑިޑަސީ ފޯމު ހުށައަޅުއްވައިފި.
މާތް الله މަނިކުފާނަށް ކާމިޔާބު މިންވަރު ކުރައްވާށި. އާމީން pic.twitter.com/MDoPIlfKwX— Mohamed Nashiz (@Mnashiz) December 24, 2022
އެމްޑީޕީގެ ޕްރައިމަރީގައި ވާދަކުރެވެނީ ތާއީދުކުރާ، އެ ޕާޓީގެ 500 މެންބަރުންގެ ތާއީދު ފޯމު ހުށަހެޅުމުންނެވެ.
ޕްރައިމަރީ ބާއްވަން ހަމަޖެހިފައި ވަނީ އަންނަ މަހުގެ 28 ގަ އެވެ.