ކުޅުދުއްފުށީ ހޮސްޕިޓަލް އޯޕީޑީގެ މަސައްކަތުގެ ބޮޑުބައި ނިމިއްޖެއެވެ
އެ މަސައްކަތް ކުރަމުން އަންނަ އެމްޓީސީސީން ބުނެފައިވަނީ، ހދ. ކުޅުދުއްފުށީ ރީޖަނަލް ހޮސްޕިޓަލް އޯޕީޑީ އިމާރާތުގެ މަޝްރޫއުގެ މަސައްކަތުގެ 98 ޕަސެންޓް ނިމިފައިވާ ކަމަށެވެ.
އެގޮތުން ސިވިލް މަަސައްކަތާއި، އެއަރ ކޮންޑިޝަން ހަރުކުރުމާއި، ފިނިޝިންގ މަސައްކަތްތަކާއި، ފަރުނީޗަރު މަސައްކަތްތައް ނިމިފައިވާ ކަމަށެވެ.
މި މަޝްރޫއުގެ ދަށުން، ބަލިމީހުން ބަލާ 23 ކޮޓަރި އިމާރާތް ކުރުމަށް ހަމަޖެހިފައިވެއެވެ.
ދ. ކުޅުދުއްފުށީ ރީޖަނަލް ހޮސްޕިޓަލް އޯޕީޑީ އިމާރާތުގެ މަޝްރޫއަކީ 20.2 މިލިއަން ރުފިޔާގެ މަޝްރޫއެކެވެ.