ރައީސް އިބްރާހީމް މުހައްމަދު ސޯލިހަކީ އައްޑޫ ދެކެ ވަރަށް ލޯބިވާ ވެރިއެއް ކަމަށާއި އެ މަނިކުފާނާ އެކީ އައްޑޫ އޮތުން ލާޒިމް ކަމަށް ފޭދޫ ދާއިރާގެ މަޖިލިސް މެމްބަރު މުހައްމަދު ނިހާދު ވިދާޅުވެއްޖެ އެވެ.
ރައީސަށް ވެރިކަމުގެ ދެވަނަ ދައުރެއް ދޭން ޖެހޭކަން ފާހަގަކޮށް އޭނަ ވިދާޅުވީ ކުރީގެ ސަރުކާރުތަކުން އައްޑޫ ބާކީކޮށްލާފައި އޮތް ނަމަވެސް މި ސަރުކާރުން އަންނަނީ އައްޑޫ ބަދަލުކޮށްލަން ތަރައްގީގެ އެތައް ބިލިއަން ރުފިޔާއެއްގެ މަޝްރޫއުތައް ހިންގަމުން ކަމަށެވެ.
Mi dhauraai hamayah #AdduCity othee Baakee koffa! Raees @ibusolih ge Sarukaarun dhanee Mulhi Addu badhalu kohlumah ethah billion Rufiyaa eh haradhu kuramun! Addu dheke loabivaa heyo Raees eh libumakee libunu niumatheh! Addu ah takai Raees Solih ai eku thibun laazim! #HeyoVerikan pic.twitter.com/XispeyDOaH
— Feydhoo Meehaa (Mohamed Nihad) (@nihad_m) December 26, 2022
"އައްޑޫ ދެކެ ލޯބިވާ ހެޔޮ ރައީސެއް ލިބުމަކީ ނިއުމަތެއް،" ނިހާދު ވިދާޅުވި އެވެ. "އައްޑުއަށްޓަކައި ރައީސް ސޯލިހާ އެކީ ތިބުން ލާޒިމް."
މި ސަރުކާރުގައި އައްޑޫގައި މި ވަގުތު ކުރިއަށްދާ އެންމެ ބޮޑު މަޝްރޫއަކީ ރަނގަޅު ފެންވަރަކަށް މަގުތައް ހެދުމުގެ މަޝްރޫއު އެވެ. މީގެ އިތުރުން އައްޑޫ ބިން ހިއްކުމާއި ގަން އެއާޕޯޓް ތަރައްގީކުރުން ފަދަ ޕްރޮޖެކްޓްތައް ފެށުމުގެ ތައްޔާރީތައް އަންނަނީ ވަމުންނެވެ.