އާ އަހަރަށް މަރުހަބާ ކިޔުމުގެ ގޮތުން މިރޭ ހުޅުމާލޭގައި ބާއްވަން ހަމަޖެހިފައިވާ މިއުޒިކް ޝޯގައި ޕަފޯމްކުރަން އިންޑިއާގެ ލަވަކިޔުންތެރިޔާ ޕަވްނީ ޕާންޑޭ ރާއްޖެ އަތުވެއްޖެ އެވެ.
އޭނަ އިއްޔެ ހަވީރު ރާއްޖެ އައުމުން މަރުހަބާކީ ޝޯ އިންތިޒާމުކުރާ ޔޫތު މިނިސްޓްރީގެ ފަރާތުންނެވެ. މިއީ ބޮލީވުޑްގެ ފިލްމުތަކަށް ވެސް ލަވަކިޔާ 30 އަހަރުގެ ޕަވްނީ ރާއްޖޭގައި ޕަފޯމްކުރާ ފުރަތަމަ ފަހަރެވެ. އޭނަ ކިޔާފައިވާ ލަވަތަކުގެ ތެރެއިން އެންމެ މަޝްހޫރުވި ލަވަ އަކީ ޝާހްރުކް ޚާންގެ 2016 ގެ ފިލްމު "ރައީސް" ގައި ހިމެނޭ "ލައިލާ މެ ލައިލާ" އެވެ.
Welcome to Maldives🇲🇻
Some clicks from the arrival of Indian singer @PawniAPandey for the “Maldives Wow Fest” Music Show .
Music Show is to be held on 31st December 2022 (Saturday) night at Hulhumale Synthetic Track. pic.twitter.com/e3aqClzhvc
— Ministry of Youth,Sports and Community Empowerment (@MoYSCEmv) December 30, 2022
މި އަހަރުގެ އޮގަސްޓްގައި ރިލީޒްކުރި ފިލްމު "ލައިގާ" ގައި ވެސް ޕަވްނީ ކިޔާފައިވާ ލަވައެއް ހިމެނެ އެވެ.
އާ އަހަރަށް މަރުހަބާ ކިޔުމުގެ ގޮތުން ހުޅުމާލޭގެ ސިންތެޓިކް ޓްރެކްގައި "މޯލްޑިވްސް ވާއު ފެސްޓް" ގެ ނަމުގައި ބާއްވާ ޝޯގައި ރާއްޖޭގެ މަޝްހޫރު ބޮޑުބެރު ބޭންޑް، ހަބޭސް އާއި އޭގެ ދަށުން ހިންގާ ލެވިޓޭޝަނާއި ފިއުޝަން ވެސް ޕަފޯމްކުރާނެ އެވެ. އަދި މި ޝޯގެ ތެރެއިން ހަވާ ވެސް އަރުވާނެ އެވެ.