ޕިކްނިކް އައިލޭންޑެއްގެ ގޮތުގައި ތަރައްގީކުރި ކުޑަގިރި މި އަހަރު ނުހުޅުވި އަހަރު ނިންމައިލަން ޖެހިއްޖެ އެވެ.
މާލެ ސަރަހައްދުގެ ރައްޔިތުން ދަތުރުދާން ހާއްސަކޮށްގެން ހިއްކައިގެން ތަރައްގީކުރި ރަށް ހުޅުވާނެ ކަމަށް ބުނެ ސަރުކާރުން އެކި ފަހަރު މަތިން ދުވަސްތަކެއް ކަނޑައެޅި އެވެ. އެގޮތުން އެންމެ ފުރަތަމަ ކުޑަގިރި ހުޅުވާނެ ކަމަށް ބުނީ މި އަހަރުގެ ޖުލައި މަހުގެ 26 ގަ އެވެ.
އެކަމަކު އެ ތާރީހަށް އެތަން ނުހުޅުވި ފަހުން، ނޮވެމްބަރު އަދި އޭގެ ފަހުން މި މަހުގެ ތެރޭގައި ވެސް ކުޑަގިރި ހުޅުވަން މަސައްކަތްކުރަމުން އަންނަ ކަމަށް ބުނެފައިވެ އެވެ. އެކަމަކު މިއަދަކީ މި އަހަރުގެ ފަހު ދުވަހަށްވާ އިރު، އަހަރު ނިންމައިލަން ޖެހުނީ އެތައް ބަޔަކު އިންތިޒާރުކުރަމުން އައި ކުޑަގިރި އަށް މި އަހަރު ދެވޭނެ ގޮތެއް ނުވެ އެވެ.
Another cleaning event at Kudagiri! @VelanaAirport Aviation Security Command team visited Kudagiri and showed their support by cleaning the island. Defence Minister @MariyaDidi also joined the team in cleaning the beach. #Kudagiri #EnmenEkugai pic.twitter.com/42a4mznZvq
— HDC (@hdcmaldives) December 21, 2022
އެހެންވެ އެ ރަށް ހުޅުވާނެ ކަމަށް ބެލެވެނީ އަންނަ އަހަރުގެ ކުރީކޮޅު އެވެ. ސަރުކާރުން ބުނެފައިވާ ގޮތުގައި ކުރިން ޕްލޭންކުރި ގޮތަށް ކުޑަގިރި ނުހުޅި ލަސްވެގެން ދިޔައީ އެ ރަށް ފެހިކުރަން ކުރާ މަސައްކަތްތަކަށް ވަގުތު ނެގުމާއި ރަށުގެ އިތުރު ތައްޔާރީތައް އަދިވެސް ކުރިއަށް ދާތީ އެވެ.
In preparation for the opening, it’s cleanup day at #Kudagiri by Maldives National Defence Force. Thank you Minister @MariyaDidi for taking the time and coming all the way. 1/2 pic.twitter.com/ILw7ZJBheB
— HDC (@hdcmaldives) December 18, 2022
މި ފަހުން ކުޑަގިރި ސާފުކުރުމާއި ގަސް އިންދުމުގެ ޕްރޮގްރާމްތައް އެކިއެކި މުއައްސަސާތަކާއި ކުންފުނިތަކާއި އިދާރާތަކުން ކުރިއަށް ގެންގޮސްފައިވެ އެވެ.
ކުޑަގިރި އަކީ މާލެ އިން ފުރައިގެން ލޯންޗްގައި 15 މިނިޓުން ދެވޭހާ ހިސާބުގައި ތަރައްގީކުރި ރަށެކެވެ. މި ތަރައްގީކުރަނީ ސަރުކާރުގެ ފަސް ކުންފުންޏެއް ގުޅިގެންނެވެ. އެއީ އެމްޓީސީ އާއި އެޗްޑީސީ އާއި އެމްޑަބްލިއެސްސީ އާއި ފެނަކަގެ އިތުރުން ސްޓެލްކޯ އެވެ.
މި މަހުގެ ތެރޭގައި ކުޑަގިރީގެ އެކި ވަޒީފާތަކަށް މީހުން ނަގަން އޯޕަން ޑޭއެއް ވެސް ބާއްވާފައިވެ އެވެ.