މިދިޔަ އަހަރު ދިވެހިންނަށް ހާސިލު ކުރެވުނު ކަންކަމާ މެދު ހިތްހަމަޖެހޭ ކަމަށް ރައީސް އިބްރާހީމް މުހައްމަދު ސޯލިހު ވިދާޅުވެއްޖެ އެވެ.
އާ އަހަރުގެ ތަހުނިޔާ ފޮނުވަން ރައީސް ކުރެއްވި ޓްވީޓެއްގައި ވިދާޅުވީ ގިން ގޮންޖެހުންތަކަކާ އެކީ ވެސް މިދިޔަ އަހަރަކީ ރާއްޖެ އަށް ގިނަ ކަންތައްތަކެއް ހާސިލުކުރެވުނު އަހަރެއް ކަމަށާއި އެހެންވެ ފަހުރުވެވަޑައިވަޑައިގަންނަވާ ކަމަށެވެ. އަދި މި ފެށުނު އާ އަހަރާ އެކީ އިތުރު ފުރުސަތުތައް ފަހިވެ، ދިވެހިންނަށް އިތުރު ފާގަތިކަމަށް އެދިވަޑައިވަޑައިގަންނަވާ ކަމަށް ވިދާޅުވި އެވެ.
"ހުރިހާ ދިވެހިންނަށް އުފާވެރި، ދުޅަހެޔޮ އަދި ފާގަތި އަހަރަކަށް އެދެން." ރައީސް ވިދާޅުވި އެވެ.
Fazu and I wish everyone a very happy #NewYear. I’m proud of what we as Maldivians have achieved this past year in spite of the many challenges and I look forward to embrace the opportunities that the new year brings for us. I wish everyone a happy, healthy, and prosperous 2023! pic.twitter.com/vymB3GVUVI
— Ibrahim Mohamed Solih (@ibusolih) December 31, 2022
ރައީސާއި އަނބިކަނބަލުން ފަޒުނާ އަހުމަދުގެ ނަމުގައި އާ އަހަރުގެ ތަހުނިޔާ ފޮނުއްވި އިރު، ދެކަނބަލުން މި ވަގުތު ތިއްބެމީ ނުރަސްމީ ދަތުރުފުޅެއްގައި އަވައްޓެރި ސްރީ ލަންކާގަ އެވެ.
ރައީސް މިހާރު ގެންދަވަނީ މި އަހަރު ބާއްވާ ރިޔާސީ އިންތިހާބުގައި އެމްޑީޕީގެ ފަރާތުން ވާދަކުރުމަށް އެ ޕާޓީގެ ޓިކެޓް ހޯއްދެވުމަށް ޕްރައިމަރީގައި ވާދަކުރައްވަން ކެމްޕޭން ކުރައްވަމުންނެވެ. ޕްރައިމަރީ އޮންނާނީ މި މަހުގެ 28 ގަ އެވެ. އޭގައި އެމްޑީޕީގެ ރައީސް މުހައްމަދު ނަޝީދު ވެސް ވާދަކުރައްވަ އެވެ.