މި އަހަރު ދުނިޔޭގެ ތިންބައިކުޅަ އެއްބައި އޮންނާނީ ރިސެޝަނެއްގެ ތެރޭގައި ކަމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ބުނެފި އެވެ.
އެތަނުގެ ވެރިޔާ ކްރިސްޓަލީނާ ޖޯޖީވާ ވިދާޅުވީ މި އަހަރަކީ ވެސް އިގުތިސާދީ ގޮތުން ފަސޭހަ އަހަރަކަށް ނުވާނެ ކަމަށެވެ. އެގޮތުން ދުނިޔޭގެ އެންމެ ވަރުގަދަ އިގުތިސާދުތަކުގެ ތެރޭގައި ހިމެނޭ އެމެރިކާ އާއި އާއި ޗައިނާ އަދި އީޔޫގެ ގައުމުތަކުގެ އިގުތިސާދީ ކުރިއެރުން ވެސް ދަށް ވާނެ ކަމަށް ވިދާޅުވި އެވެ.
"އެހެންވެ މި އަހަރަކީ އެ ގައުމަތަކަށް ވެސް އިގުތިސާދީ ގޮތުން ފަސޭހަ އަހަރަކަށް ނުވާނެ." ކްރިސްޓަލީނާ ވިދާޅުވި އެވެ.
އޭނަ ވިދާޅުވި ގޮތުގައި މިދިޔަ އަހަރުގެ ކުރީކޮޅު ފެށުނު ޔުކްޔޭކް ހަނގުރާމަ ފަދަ ކަންކަމާ އެކީ ދުނިޔޭގެ އިގުތިސާދަށް އެރި ލޮޅުންތަކުގެ އަސަރު މި އަހަރު ދުނިޔޭގެ ތިންބައިކުޅަ އެއްބަޔަށް ކުރާނެ އެވެ. ނަތީޖާ އަކީ ރިސެޝަނެއް ނުވަތަ އިގުތިސާސީ ތަށުމަޑުކަމެއްގެ ތެރެގައި ހިނަ ގުއުމުތަކެއް ތިބެން ޖެހުން ކަމަށް ވިދާޅުވި އެވެ.
YEAR AHEAD: “For most of the world economy, this is going to be a tough year,” IMF Managing Director Kristalina Georgieva tells @margbrennan. Why? ”Because the three big economies, U.S., E.U., China, are all slowing down simultaneously.” pic.twitter.com/aZh8fiO57u
— Face The Nation (@FaceTheNation) January 1, 2023
"މާނަ އަކީ ދުނިޔޭގެ އިގުތިސާދުގެ ތިންބައިކުޅަ އެއްބައި އޮންނާނީ ރިސެޝަނެއްގެ ތެރޭގައި ކަމަށް ލަފާކުރެވެއޭ،" ސީބީއެސްގެ "ފޭސް ދަ ނޭޝަން" ޕްރޮގްރާމްގައި ކްރިސްޓަލީނާ ވިދާޅުވި އެވެ. "އެހެންވެ ރިސެޝަނެއްގެ ތެރޭގައި ނެތް ގައުމުތަކަށް ވެސް މި އަހަރު އެފަދަ ދަތިކަމެއްގެ ތެރޭގައި އުޅެން ޖެހުމުގެ އިހުސާސް ކުރަން ޖެހޭނެ."
އޭނާ ވިދާޅުވި ގޮތުގައި ދުނިޔޭ އިގުތިސާދުގެ ދެވަނަ ބާރުގެ ގޮތުގައި ފާހަގަކުރެވޭ ޗައިނާ އަދިވެސް ކޮވިޑްގެ ބަލިމަޑުކަމުން އަރައިގަތިމުގައި ބޮޑެތި ގޮންޖެހުންތަކަކާ ކުރިމަތިވެފައިވާ އިރު، މީގެ ސަބަބުން އެ ގައުމަށް މިހާރު ވެސް އޮތީ އުނދަގޫ ދުވަސްތަކެއް ކަމަަށެވެ.
2023 IMF PREDICTION: “We expect one-third of the world economy to be in recession,” IMF Managing Director Kristalina Georgieva tells @margbrennan. But, a strong U.S. labor market might help the world get through a difficult year, she says. pic.twitter.com/Vbhj478pFo
— Face The Nation (@FaceTheNation) January 1, 2023
"ޗައިނާގެ ހާލަތު ގޯސްވަމުންދާ ކަމަށްވާ ނަމަ އޭގެ ނޭދެވޭ އަސަރު މުޅި އެ ސަރަހައްދަށް އަދި ޖުމްލަކޮށް މުޅި ދުނިޔޭގެ އިގުތިސާދަށް ކުރާނެ." ކްރިސްޓަލީނާ ވިދާޅުވި އެވެ.
އައިއެމްއެފުން ބުނި ގޮތުގައި އިގުތިސާދީ ގޮތުން ކުރިމަތިވެފައި ހުރި ގޮންޖެހުންތަކާއި ދަތިތަކުން އަރައިގަތުމަށްޓަކައި ހުރިހާ ގައުމުތައް ގުޅިގެން އެކީގައި މަސައްކަތްކުރަން ޖެހެ އެވެ. އަދި އެ މަސައްކަތް އަވަސްކުރުން ވަރަށް މުހިއްމު ކަމަށް ވެސް ބުންޏެވެ.