މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ރިޔާސީ ޕްރައިމަރީގައި ވާދަކުރައްވާ އެ ޕާޓީގެ ރައީސް އަދި ކުރީގެ ރައީސުލްޖުމްހޫރިއްޔާ މުހައްމަދު ނަޝީދުގެ ކެމްޕޭން ބައްދަލުވުމެއް މިރޭ ބޭއްވުމަށް ނިންމައިފިއެވެ.
"ފިކުރެއްގެ ދިރުން" ނަމުގައި ރައީސް ނަޝީދުގެ ކެމްޕޭން ކުރިއަށް ގެންދާއިރު މިރޭގެ ބައްދަލުވުން ބޭއްވުމަށް ހަމަޖެހިފައިވަނީ މާލޭ ބޮނޑިބަތް ޕާކުގައެވެ.
އެގޮތުން މިރޭ 08:30 ގައި އެ ބައްދަލުވުން ބާއްވާ ގޮތަށް ހަމަޖެހިފައިވާއިރު، އެމްޑީޕީގެ މެމްބަރުންނަށް މިރޭގެ ބައްދަލުވުމުގައި ބައިވެރިވުމަށް ދައުވަތު އަރުވާފައިވެއެވެ.
ރައީސް މުޙައްމަދު ނަޝީދު ބާއްވަވާ ކެންޕެއިން ބައްދަލުވުމަށް ވަޑައިގެންދެއްވުން އެދި ދަޢުވަތު އަރުވަން!
މާދަމާ ރޭ – 2 ޖަނަވަރީ 2022 ވާ ހޯމަ ދުވަހުގެ ރޭ
ބޮނޑިބަތް ޕާކު – މާފަންނު، އަޅިވިލާމަގާއި، މަޖީދީމަގު ކަންމަތި. pic.twitter.com/DsMqAOcaZ8
— Mohamed Nasheed 2023 ⚖️ (@Anni_2023) January 1, 2023
އެމްޑީޕީގެ ރިޔާސީ ޕްރައިމަރީގައި ރައީސް ނަޝީދާ ވާދަކުރައްވަނީ ރައީސް އިބްރާހިމް މުހައްމަދު ސޯލިހާއެވެ.
ޕްރައިމަރީއަށް ކެމްޕޭން ހަރަކާތްތައް ރައީސް ނަޝީދު ހިންގަވާއިރު މިފަހުން އެމަނިކުފާނުވަނީ ބޮޑުތިލަދުންމައްޗަށްވެސް ވަޑައިގެންފައެވެ.