އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދުގެ ކެމްޕޭން ހަރަކާތެއް މިއަދު ހަވީރު ހުޅުމާލެ ފޭސް2 ހިޔާ ފްލެޓް ސަރަހައްދުގައި ކުރިއަށް ގެންދިއުމަށް ނިންމައިފިއެވެ.
މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ރިޔާސީ ޕްރައިމަރީގެ ކެމްޕޭން، ފޯރީގައި ކުރިއަށްގެންދާއިރު ރައީސް ނަޝީދު ވެސް އަދި ރައީސް އިބްރާޙިމް މުހައްމަދު ސޯލިހަށް ތާއީދުކުރައްވާ ފަރާތްތަކުންވެސް އަންނަނީ ކެމްޕޭން ބާރަށް ކުރިއަށްގެންދަމުންނެވެ.
މިއަދު ހަވީރު ހިޔާ ފްލެޓް ސަރަހައްދުގައި ކުރިއަށްގެންދިއުމަށް ހަމަޖެހިފައިވަނީ ރައީސް ނަޝީދާއެކު ކުރިއަށްގެންދާ ހަވީރުގެ ސައެކެވެ. މި ހަރަކާތް ފެށުމަށް ހަމަޖެހިފައިވަނީ ހަވީރު 04:30 ގައެވެ.
MIADHU HAVEERU 4:30
HIYAA FLAT sarahahdhu
Raees NASHEED aa eku SAI#Anni2023
#FikureggeDhirun pic.twitter.com/DFYdYkq8Fi— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) January 4, 2023
ރައީސް ނަޝީދު ކެމްޕޭނަށް އެކި ރަށްރަށަށް ދަތުރުކުރައްވާ ދޮރުން ދޮރަށް ހަރަކާތް އަންނަނީ ކުރިއަށްގެންދަވަމުންނެވެ.
ޕްރައިމަރީގައި ރައީސް ނަޝީދާ ވާދަކުރައްވާ ރައީސް ސޯލިހްގެ ކެމްޕޭންވެސް ކުރިއަށްދާއިރު އެމަނިކުފާނު ބައިވެރިވެވަޑައިގަންނަވާ ހަރުގެ ބައްދަލުވުމެއް މިރޭ 09:00 ގައި އެމްޑީޕީ ހަރުގޭގައި ކުރިއަށް ގެންދިއުމަށް ވަނީ ހަމަޖެހިފައެވެ.
އެމްޑީޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ މިމަހު 28 ވަނަ ދުވަހުއެވެ.