މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައީސް އިބްރާހިމް މުހައްމަދު ސޯލިހްގެ ކެމްޕޭން ސްޕޯކްސްޕާސަނަކަށް ޑިފެންސް މިނިސްޓަރު މާރިޔާ ދީދީ ހަމަޖައްސައިފިއެވެ.
ރައީސް ސޯލިހްގެ ކެމްޕޭން މެނޭޖަރު، ކިނބިދޫ ދާއިރާގެ މެމްބަރު މުހައްމަދު ނާޝިޒު ކުރެއްވި ޓްވީޓެއްގައި ވިދާޅުވީ، ރައީސް ސޯލިހްގެ ރިޔާސީ ޕްރައިމަރީ ކެމްޕޭނާ ގުޅޭ މައުލޫމާތު މީޑިއާތަކަށް ހިއްސާކޮށްދެއްވާނީ ކެމްޕޭންގެ ސްޕޯކްސްޕާސަން މާރިޔާ ދީދީ ކަމަށެވެ.
#MDPKuriah – Raees @ibusolih ge riyaasee primary campaign aa gulhey mauloomaathu media aa hissa kuravvaanee mi campaign ge spokesperson @mariyadidi kamugai dhannavan.
— Mohamed Nashiz (@Mnashiz) January 4, 2023
2018 ވަނަ އަހަރުގެ ރިޔާސީ އިންތިހާބުގައިވެސް ރައީސް ސޯލިހްގެ ކެމްޕޭން ސްޕޯކްސްޕާސަނެއްގެ ގޮތުން މީޑިއާތަކަށް މައުލޫމާތު ހިއްސާކޮށްދެއްވީ މާރިޔާއެވެ.
ޖެނުއަރީ 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ރައީސް ސޯލިހާ ވާދަކުރައްވަނީ އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދެވެ.