މޯލްޑިވިއަން ޑިމޮކްރަޓީކް ޕާޓީ، އެމްޑީޕީގެ ރިޔާސީ ޕްރައިމަރީގައި ވާދަކުރައްވާފައިވާ އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު ޓެކްސީ ޑްރައިވަރުންނާ ބައްދަލުކުރެއްވުމަށް ނިންމަވައިފިއެވެ.
ރިޔާސީ ޕްރައިމަރީގެ ކެމްޕޭން ހަރަކާތެއްގެ ގޮތުގައި ޓެކްސީ ޑްރައިވަރުންނާ ބައްދަލުކުރެއްވުމަށް ހަމަޖެހިފައިވަނީ މިރޭ 8:30 ގައި ކާނިވާ ސަރަހައްދުގައި ހުންނަ ޓޭސްޓްމީ ކެފޭގައެވެ.
އެ ބައްދަލުވުމަށް ޓެކްސީ ޑްރައިވަރުންނަށްވަނީ ދައުވަތު ދެއްވާފައެވެ.
ރައީސް ނަޝީދު ޓެކްސީ ޑްރައިވަރުންނާއެކު ބާއްވާ ބައްދަލުކުރެއްވުން
މިރޭ 8:30 ގައި ޓޭސްޓްމީ ކެފޭ (އަލިމަސް ކާނިވަލް)ގައި
ވަޑައިގެންދެއްވުން އެދި ދަޢުވަތު އަރުވަން
🚖 ⚖️#Anni2023
#FikureggeDhirun pic.twitter.com/hiraCjgjaB— Mohamed Nasheed 2023 ⚖️ (@Anni_2023) January 5, 2023
ރައީސް ނަޝީދު މިއަދު ހެނދުނު އަންނަވަނީ ގަލޮޅު އުތުރުގައި ދޮރުން ދޮރަށް ހަރަކާތް ކުރިއަށް ގެންދަވާ އެމްޑީޕީގެ މެންބަރުންނާ ބައްދަލުކުރައްވަމުންނެވެ.
އެމްޑިޕީގެ ރިޔާސީ ޕްރައިމަރީ ބޭއްވުމަށް ހަމަޖެހިފައިވަނީ ޖެނުއަރީ 28 ވަނަ ދުވަހުއެވެ. ރައީސް ނަޝީދާ މި އިންތިހާބުގައި ވާދަކުރައްވަނީ ރައީސް ސޯލިހެވެ.