ކުރިއަށް އޮތް އެމްޑީޕީގެ ރިޔާސީ ޕްރައިމަރީގައި އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދަށް ތާއީދުކުރައްވާކަން ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފް ހާމަކުރައްވައިފިއެވެ.
މިކަން ހާމަކޮށް ޔާސިރު ކުރެއްވި ޓްވީޓެއްގައި ވިދާޅުވީ، ފާއިތުވި ހަތަރު އަހަރު ސަރުކާރަށް ބޭނުންވި ހުރިހާ ކަމެއްގައި ސަރުކާރަށް ތާއީދުކޮށް އެއްބާރުލުން ދީފައިވާ ކަމަށެވެ. އެހެންނަމަވެސް ކުޅުދުއްފުށީގެ ތަރައްގީގެ މަޝްރޫއުތައް ތަންފީޒުކުރުމުގައި އިންތިހާއަށް ލަސްވަމުން އަންނަކަމަށް ޔާސިރު ވިދާޅުވިއެވެ.
އެ ސަބަބާ ގުޅިގެން އެމްޑީޕީގެ ޕްރައިމަރީގައި ރައީސް ނަޝީދަށް ފުރިހަމައަށް ތާއީދުކުރުމަށް ނިންމާފައިވާ ކަމަށް ޔާސިރު ވިދާޅުވިއެވެ.
Last 4 years, I've given all the support that government needed. But, I have seen extremely slow execution of projects at Kulhudhuffushi.@MohamedNasheed has my full endorsement as the MDP's candidate for president in 2023, & I've withdrawn my support for @ibusolih in the primary pic.twitter.com/iadcONdqYW
— Yasir Abdul Latheef (@YasirLathyf) January 6, 2023
އެމްޑީޕީގެ ޕްރައިމަރީގެ ފޯރި ގަދަވެފައިވާއިރު، ރައީސް ނަޝީދު އަދި ރައީސް ސޯލިހް އަންނަނީ ކެމްޕޭން ހަރަކާތްތައް ފޯރީގައި ކުރިއަށް ގެންދަމުންނެވެ.
އެމްޑީޕީގެ ޕްރައިމަރީ ބޭއްވުމަށް ހަމަޖެހިފައިވަނީ ޖެނުއަރީ 28 ވަނަ ދުވަހުއެވެ.