ރައީސް އިބްރާހީމް މުހައްމަދު ސޯލިހަށް މިހާރު ވެސް އެމްޑީޕީގެ ޕްރައިމަރީ ކާމިޔާބުވެއްޖެ ކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ވިދާޅުވެއްޖެ އެވެ.
ރޭ ނ. ވެލިދޫގައި ބޭއްވި ކެމްޕޭން ޖަލްސާގެ ތެރޭގެ މަންޒަރެއްގައި ގިނަ ބަޔަކު ފޯރި ނަގާ މަންޒަރު ފެންނަ ވީޑިއޯއަކާ އެކީ އޭނާ ޓްވިޓާގައި ވިދާޅުވީ "މިކަން މިއޮތީ ނިމިފައި" ކަމަށެވެ.
Mikan nimijje in sha Allah!Mi primary othee @ibusolih ah libifa! #MDPKuriah #Ibu2023 pic.twitter.com/6R4rycwmZp
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) January 7, 2023
"މި ޕްރައިމަރީ އޮތީ ރައީސް ސޯލިހަށް ލިބިފައި." ރޮޒޭ ވިދާޅުވި އެވެ.
އެމްޑީޕީގެ ޕްރައިމަރީ ބާއްވަން ހަމަޖެހިފައި ވަނީ މި މަހުގެ 28 ގަ އެވެ. އޭގައި ރައީސާ ވާދަކުރައްވާ އެ ޕާޓީގެ ރައީސް އަދި ކުރީގެ ރައީސް މުހައްމަދު ނަޝީދެވެ.