މާލޭގެ ނީލަން ފިހާރައިގައި ރޯވެ އަނދަމުން އެބަދެ އެވެ.
އާންމުވެފައިވާ ވީޑިއޯތަކުން ފެންނަ ގޮތުގައި ވަރަށް ބޮޑަށް އެތަނުގައި ރޯވެފައިވެ އެވެ. ނަމަވެސް ރޯވީ ސީދާ ކޮން ވަގުތެއްގައިކަމާއި ރޯވާން ދިމާވި ސަބަބެއް ސާފެއް ނުވެ އެވެ.
މާލެ ސިޓީ، ނީލަން ފިހާރަ ސަރަހައްދުގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވާން ފަށައިފި. މި ހާދިސާގެ ރިޕޯޓް އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުނީ މިއަދު ހެނދުނު 05:43 ހާއިރު. pic.twitter.com/nqNylacJMR
— Maldives National Defence Force (@MNDF_Official) January 9, 2023
އެމްއެންޑީއެފުން ބުނީ ނީލަން ފިހާރަ ސަރަހައްދުގައި އަލިފާން ރޯވެގެން ފަޔަ އެންޑް ރެސްކިޔު ސަރވިސްއިން ހަރަކާތްތެރިވަމުން އަންނަ ކަމަށެވެ. އަދި އެ ހާދިސާގެ ރިޕޯޓް ލިބުނީ ފަތިހު 5:43 ހާއިރު ކަމަށް ވެސް އެތަނުން ބުންޏެވެ.
🚨#Breaking: Foam jahain Neelan Fihaaraiga roakohlaafa vaa alifaan gandu nivvalan Airport FnRge vehicle genessi.
Adhi dhumuge asaru kohfai vaatheeve Imadhudheen School ge kiyevun vaguthee gothun suspend koffi.
Ithuru mauloomaathu: https://t.co/jRvLkXTaKc pic.twitter.com/EtXJ1jpqDJ
— #MvCrisis (@MvCrisis) January 9, 2023
އަލިފާނުގެ ހާދިސާއާ ގުޅިގެން ވިލާ ކޮލެޖާއި ސްޓެލްކޯއާ ދެމެދުގެ ގިނަ މަގުތައް އާންމު ދަތުރުފަތުރަށް ވަނީ ބަންދުކޮށްފަ އެވެ.
އަލިފާނުގެ ހާދިސާއާ ގުޅިގެން ވިލާ ކޮލެޖާއި ސްޓެލްކޯއާ ދެމެދުގެ ގިނަ މަގުތައް އާންމު ދަތުރުފަތުރަށް ވަނީ ބަންދު ކޮށްފަ.
ދުމުގެ އަސަކުރާ ސަރަހައްދުތަކުގައި ދިރިއުޅޭ މީހުން ދުމުން ރައްކާތެރިވުމުގެ ގޮތުން އެކަށީގެންވާ މާސްކް އެޅުމަށް ދަންނަވަން.
— Maldives Police (@PoliceMv) January 9, 2023
ދުމުގެ އަސަކުރާ ސަރަހައްދުތަކުގައި ދިރިއުޅޭ މީހުން ދުމުން ރައްކާތެރިވުމުގެ ގޮތުން އެކަށީގެންވާ މާސްކް އެޅުމަށް ފުލުހުން ވަނީ އިލްތިމާސްކޮށްފަ އެވެ. އަދި ރޯވި ސަރަހައްދުގައި ދިރިއުޅޭ އާންމުން ރައްކާތެރިކަމުގެ ގޮތުން އަޅަން ޖެހޭ ފިޔަވަޅުތައް އެޅުމަށާއި އާންމުން އެ ސަރަހައްދަށް ނުދިއުމަށް ވެސް އިލްތިމާސްކޮށްފައިވެ އެވެ.
މީގެ ކުރިން ވެސް ނީލަން ފިހާރައިގައި ރޯވެ، ބޮޑެތި ގެއްލުންތަކެއްވެފައިވެ އެވެ.