ރާއްޖޭގައި މި ފަހުން އަލިފާންގެ ބޮޑެތި ހާދިސާތަކެއް ހިނގާފައިވާތީ އެފަދަ ކަންކަމާ ގުޅޭ ބޮޑު ތަހުގީގެއް ފަށާފައިވާ ކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
މާލޭގެ ނީލަން ފިހާރައިގައި މިއަދު ވަރަށް ބޮޑަށް ރޯވެ، އަލިފާންގަނޑު ކޮންޓްރޯލްކުރުމުގެ މަސައްކަތް ކުރަމުން އަންނަ އިރު، ސީޕީ ކުރެއްވި ޓްވީޓެއްގައި ވިދާޅުވީ އަލިފާނުގެ ހާދިސާތަކާ ގުޅޭ ބޮޑު ތަހުގީގު މާލެ އާއި އަތޮޅު ތެރޭގައި ވެސް ކުރިއަށް ގެންދާ ކަމަށެވެ.
A major investigation in to the recent incidences of fire in Male’ & atolls is now launched by @PoliceMv. We call for public support for it. Also, public order officers’ way of handling an elderly woman at the protest last night in Male’ is of concern. Will be looked in to.
— Mohamed Hameed (@M_Hameedh) January 9, 2023
"އެހެންވެ މިކަމުގައި އާންމުންގެ ފަރާތުން އެއްބާރުލުން ވެސް ބޭނުންވޭ." އޭނާ ވިދާޅުވި އެވެ.
ތަކުރާރުކޮށް މާލޭގައި އަލިފާނުގެ ބޮޑެތި ހާދިސާތައް ހިނގަމުންދާ އިރު، މިދިޔަ ނޮވެމްބަރު މަހުގެ ތެރޭގައި ވެސް އިމާރާތެއްގައި ރޯވެ އެތަނުގައި އުޅުނު 10 ބިދޭސީއަކު މަރުވެފައިވެ އެވެ. އަދި 2019 ގައި ވެސް މާލޭގައި އަލިފާނުގެ ވަރަށް ބޮޑު ހާދިސާއެއް ހިނގައި އެތައް ގެއްލުމެއްވެފައިވެ އެވެ.