ފަތިހު މާލޭގެ ނީލަން ފިހާރައިގައި ރޯވި ހާދިސާގައި އެތަނާ ކައިރީގައި ހުރި މާލެ ސިޓީ ކައުންސިލްގެ މުވައްޒަފުންގެ އެކޮމޮޑޭޝަން ބްލޮކްތަކުގެ ހާލަތު ކައުންސިލުން ބަލައިފި އެވެ.
އެތަނުގެ ހާލަތު ބަލަން މޭޔަރު ޑރ. މުހައްމަދު މުއިއްޒް ވަޑައިގެންނެވި އެވެ. އަލިފާނުގެ ހާދިސާގައި އެކޮމޮޑޭޝަން ބްލޮކްތައް ވަނީ ބޭނުން ނުކުރެވޭ ވަރަށް އަނދައިފަ އެވެ.
މާލެ ސިޓީގެ މޭޔަރ ޑރ.މުޢިއްޒު މާލެ ސިޓީ ކައުންސިލްގެ އަނދަމުންދާ އެކޮމޮޑޭޝަން ބްލޮކްގެ ސަރަހައްދަށް ވަޑައިގެން ތަނުގެ ހާލަތުގެ ވަނީ ބައްލަވާލައްވާފަ. @MMuizzu pic.twitter.com/yFTGFllnxb
— Male' City Council (@MaleCitymv) January 9, 2023
އެ ތަންތަނުގައި 200 އެއްހާ ބިދޭސީން އުޅެމުން ދިޔަ އެވެ. އަލިފާން ރޯވި އިރު، އޭގެ ތެރެއިން ބައެއް މީހުން ތިބީ ޑިއުޓީގަ އެވެ. އަދި ބައެއް މީހުން ނިދާފައި ތިބި، ރޯވި އިރު ބައެއް ބިދޭސީން ތޮބީ ފަތިސް ނަމާދަށް ދިޔަ ގޮތަށް ބޭރުގަ އެވެ.
މާލެ ގައި ހުންނަ ނީލަން ފިހާރާއިގައި ރޯވުމުގެ ސަބަބުން މާލެ ސިޓީ ކައުންސިލްގެ ބިދޭސީ މުވައްޒަފުން ދިރިއުޅޭ އެކޮމޮޑޭޝަން ބްލޮކުގައި ވަނީ ރޯވެފައެވެ. މިވަގުތު މުވައްޒަފުން ތިބީ އިމާދުއްދީން ސްކޫލުގައި. pic.twitter.com/liIZL79KNy
— Male' City Council (@MaleCitymv) January 9, 2023
ނަމަވެސް މި ހާދިސާގައި ބިދޭސީއަކަށް ޖިސްމާނީ ގޮތުން އެއްވެސް ގެއްލުމެއް ނުވެ އެވެ. އެ މީހުން މި ވަގުތު ތިބީ އިމާދުއްދީން ސްކޫލުގަ އެވެ.
ނީލަން ފިހާރައިގައި ރޯވި ހާދިސާގައި އެތަން ވަނީ އަނދައި އަޅިއަށްވެފަ އެވެ. ނަމަވެސް ރޯވާން ދިމާވި ސަބަބެއް އަދި ސާފެއް ނުވެ އެވެ.