މާލޭގެ ނީލަން ފިހާރައިގައި ރޯވެ އެތަނުގެ ކައިރީގައި ހުރި މާލެ ސިޓީ ކައުންސިލްގެ ބިދޭސީ މުވައްޒަފުންގެ އެކޮމޮޑޭޝަން ބްލޮކްތަކެއް ވެސް އަނދައިގެން ދިއުމާ ގުޅިގެން 166 މީހަކު ހާލުގައި ޖެހިއްޖެ އެވެ.
އެ ބްލޮކްތަކުގައި ދިރިއުޅެމުން އައީ ބަންގްލަދޭޝްގެ 165 މީހަކާއި އިންޑިއާ މީހެކެވެ.
އަލިފާންގެ ހާދިސާއާ ގުޅިގެން ބިދޭސީ މުވައްޒަފުން ހާލުގައި ޖެހުމާ ގުޅިގެން މާލޭގެ މޭޔަރު ޑރ. މުހައްމަދު މުއިއްޒު ވިދާޅުވީ އެ މުވައްޒަފުންނަށް ވަގުތީ ހިޔާވަހި ހަމަޖެއްސުމަށް މިހާރު މަމަސައްކަތް ކުރަމުން އަންނަ ކަމަށެވެ. ނަމަވެސް މިހާތަނަށް އަދި ގޮތެއް ފެނިފައި ނުވާ ކަމަށް ވިދާޅުވި އެވެ.
Mayor @MMuizzu with Bangladesh Ambassador at temporary shelter of @MaleCitymv expat staff who were effected by today’s fire incident which burned the council staff accommodation. pic.twitter.com/mymdVILze6
— Male' City Council (@MaleCitymv) January 9, 2023
އޭނާ ވިދާޅުވީ ކުއްލި ގޮތަކަށް ބޯހިޔާވަހިކަން ހަމަޖައްސައި ދޭން ޖެހުނީ ގިނަ ބަޔަކަށް ކަމަށްވާތީ އެފަދަ އިންތިޒާމެއް ކައުންސިލަށް ހަމަޖައްސައިދޭން ދަތިތަކެއް ވެސް އެބަހުރި ކަމަށެވެ. އެހެންވެ ނެޝަނަލް ޑިޒާސްޓާ މެނޭޖްމެންޓު އޮތޯރިޓީ (އެންޑީއެމްއޭ) ގުޅިގެން ވަގުތީ އިންތިޒާމުތަކެއް ހަމަޖައްސަން މަސައްކަތް ކުރައްވަމުން ގެންދަވާ ކަމަށް މޭޔަރު ވިދާޅުވި އެވެ.
Male City Mayor @MMuizzu with Vice President of Maldives Faisal Naseem at temporary shelter of @MaleCitymv expat staff who were effected by today’s fire incident which burned the council staff accommodation. pic.twitter.com/HaYVwPEGHS
— Male' City Council (@MaleCitymv) January 9, 2023
މުއިއްޒު ވިދާޅުވީ މި ވަގުތު އިމާމުއްދީން ސްކޫލްގައި ތިބި ބިދޭސީ މުވައްޒަފުންނަށް މިހާރު ފެނާއި ކާބޯތަކެތި ފޯރުކޮށް ދިނުމުގެ ކަންކަން ކުރިއަށްދާ ކަމަށެވެ.
އަދި ސިޓީ ކައުންސިލްއާއި ދިވެހި ރެޑްކްރެސެންޓް ގުޅިގެން، ހާދިސާގެ އަސަރު ކުރި ލޭބާ ކުއާޓާސްތަކުގައި ދިރިއުޅުނު ބިދޭސީންގެ މައުލޫމާތު ދެނެގަތުމުގެ މަސައްކަތް ކުރަމުން އެބަގެންދަން pic.twitter.com/YJ16MfhCVD
— NDMA Maldives (@NDMAmv) January 9, 2023
ނައިބު ރައީސް ފައިސަލް ނަސީމް ވަނީ ނީލަން ފިހާރަ އާއި އެކޮމޮޑޭޝަން ބްލޮތަކާއި އެތަނުގައި އުޅުނު މީހުންގެ ހާލަތު ބައްލަވާލައްވައިފަ އެވެ.