ގއ. ވިލިނގިލީގައި ހައުސިން ޔުނިޓް އެޅުމުގެ އަމަލީ މަސައްކަތް ފަށައިފި އެވެ.
އިއްޔެ އެ ރަށުގައި ބޭއްވި ރަސްމިއްޔާތެއްގައި ހައުސިން ޔުނިޓުތަކުގެ ބިންގާ އަޅުއްވައި ދެއްވީ ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީނާއި،ރައްޔިތުންގެ މަޖިލީހުގެ ވިލިނގިލި ދާއިރާގެ މެމްބަރު ސައުދު ހުސައިންގެ އިތުރުން ރަށު ކައުންސިލް މެމްބަރުންނެވެ.
މިއަދު ބޭއްވި ރަސްމިއްޔާތުގައި ވިލިނގިލީގައި އިމާރާތްކުރާ 50 ރޯހައުސްގެ ބިންގާ އަޅުއްވައިދެއްވީ މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން އާއި ވިލިނގިލި ދާއިރާގެ މެމްބަރު ސައުދު ހުސައިން އަދިި ރަށު ކައުންސިލް މެމްބަރުންނެވެ. pic.twitter.com/a1LWASrO83
— Min.of National Planning, Housing & Infrastructure (@MoNPHImv) January 17, 2023
ވިލިނގިލީގައި 50 ހައުސިން ޔުނިޓްތައް ހަދަން ހަވާލުކޮށްފައި ވަނީ ދޮންބޭޒް ޕްރައިވެޓް ލިމިޓެޑާ އެވެ. އެ މަސައްކަތް ހަވާލުކުރީ މިދިޔަ އަހަރުގެ ޖޫން ގަ އެވެ. ހަތް ސަތޭކަ އަކަފޫޓު ހުންނާނެ މި ހައުސިން ޔުނިޓްތަކަކީ 3 ކޮޓަރި އާއި 3 ފާހަނަ އާއި ސިޓީންރޫމާއި ބަދިގެ އާއި ކާގެ އަދި ބެލްކަންޏާއި އަދި ލޯންޑްރީ އާއި ސްޓޯ ރޫމް ވެސް ހިމެނޭ ގޮތަށް ހަދާ ހައުސިން ޔުނިޓްތަކެވެ.
ވިލިނގިލީގައި ޑިޒައިން އެންޑް ބިލްޑް އުސޫލުން 50 ރޯހައުސް އިމާރާތް ކުރުމުގެ މަސައްކަތް ދޮންބޭޒް ޕްރައިވެޓް ލިމިޓެޑް އާ ހަވާލުކޮށްފައިވަނީ މިދިޔަ އަހަރު ޖޫންމަހުއެވެ. މި އެއްބަސްވުމުގެ ދަށުން ގއ.ވިލިނގިލީގައި 700 އަކަފޫޓުގެ 50 ރޯހައުސް އިމާރާތް ކުރާނެއެވެ. pic.twitter.com/JSc4dbcRvR
— Min.of National Planning, Housing & Infrastructure (@MoNPHImv) January 17, 2023
ސަރުކާރުގެ ޕީއެސްއައިޕީ ބަޖެޓުގެ ތެރޭގައި ހިމަނައިގެން ކުރިއަށް ގެންދާ މި މަޝްރޫ އަށް 48 މިލިއަނަށްވު ރެ ގިނަ ރުފިޔާގެ ހަރަދުވާނެ އެވެ. ކަމަށް ސަރުކާރުން ވިދާޅުވެއެވެ. މަސައްކަތް ދޮންބޭޒް ޕްރައިވެޓް ލިމިޓެޑާ ޙަވާލުކުރީ މަސައްކަތް ފަށާތާ 270 ދުވަހުގެ ތެރޭގައި އެއްކޮށް ނިންމާ ގޮތަށެވެ.