ރަޝީދު ކާޕެންޓްރީ އެންޑް ކޮންސްޓްރަކްޝަން (އާރްސީސީ) ކުންފުނީގެ ވޭނެއްގައި ބަނހގުރާ އުފުލި ބިދޭސީ ޑްރައިވަރު ޑީޕޯޓް ކޮށްލައިފިއެވެ.
އާރްސީސީގެ ވޭނަކުން ބަނގުރާ ފެނިފައިވަނީ ފުލުހުން އެ ވޭން ހުއްޓުވައި ބަލާފާސްކުރުމުގެ ތެރޭގައެވެ. އެ ވޭނުގެ ތެރެއިން ބަނގުރާ ފުޅިތަކާއި ދަޅުތަކެއް ފެނިފައިވާ ކަމަށް ފުލުހުން ބުނެއެވެ.
އެ މައްސަލައާ ގުޅިގެން އާރްސީސީން މިއަދު ކުރި ޓްވީޓެއްގައި ބުނެފައިވަނީ، ދިވެހިރާއްޖޭގައި ހެދިފައިވާ ގާނޫނުތަކާ ހިލާފު އެއްވެސް ކަމެއްް އެ ކުންފުނިން ނުކުރާނެ ކަމަށާއި އަދި ކުރާކަށް ހިތްވަރުވެސް ނުދޭނެ ކަމަށެވެ. އަދި ބަނގުރާ ފުޅިތަކެއްް ފެނުނު މައްސަލަ ފުލުހުން ތަހުގީގު ކުރުމަށްފަހު، އިހުމާލުވާ ޑްރައިވަރު ރާއްޖެ ނާދެވޭ ގޮތަށް މިއަދު ޑީޕޯޓް ކޮށްލާފައިވާ ކަމަށް ބުނެފައިވެއެވެ.
މި ކުންފުނީގެ ވޭނެއްގެ ތެރެއިން ބަނގުރާ ފުޅިތަކެއްް ފެނުނު މައްސަލަ ފުލުހުން ތަހުގީގު ކުރުމަށްފަހު އިހުމާލުވާ ޑްރައިވަރު މިއަދު ވަނީ ރާއްޖެ ނާދެވޭ ގޮތަށް ޑީޕޯޓް ކޮށްލެވިފައި pic.twitter.com/vWQXC4Xi4z
— RCC (@rcc_mv) January 18, 2023
އާރްސީސީއަކީ ދަނގެތީ ދާއިރާގެ މެންބަރު އަދި އެމްއެންޕީގެ ރައީސް މުހައްމަދު ނާޒިމްގެ އާއިލީ ކުންފުންޏެކެވެ.