ޕަބްލިކްސް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް އަނެއްކާ ވެސް އަލީ ހާލިދު އައްޔަންކޮށްފި އެވެ.
އޭނަ އެ މަގާމަށް ޕްރައިވެޓައިޒޭޝަން ބޯޑް (ޕީސީބީ) އިން އަލުން އައްޔަންކުރީ އިއްޔެ އެވެ. ޕީއެސްއެމްގެ އެމްޑީއަކަށް އަލީ ހާލިދު ފުރަތަމަ އައްޔަންކުރީ ޑިސެމްބަރު 25، 2018 ގަ އެވެ. އަދި އޭނަގެ ދައުރު މިދިޔަ މަހުގެ 25 އަށް ހަމަވެފައިވެ އެވެ.
ޕަބްލިކް ސަރވިސް މީޑިއާގެ ޑިރެކްޓަރުންގެ ބޯޑުގެ މެންބަރުކަމާއި މެނޭޖިންގ ޑިރެކްޓަރކަމުގެ މަޤާމުގެ ދެވަނަ ދައުރަކަށް، މ. ފިނިފަރު، އަލްފާޟިލް ޢަލީ ޚާލިދު، މިއަދު ޢައްޔަންކޮށްފީމެވެ. އަލްފާޟިލް ޢަލީ ޚާލިދުއަށް މިބޯޑުގެ ފަރާތުން މަރުޙަބާ ދަންނަވަމެވެ. pic.twitter.com/oVFQocZAu9
— Privatization & Corporatization Board (@pcb_gov) January 18, 2023
ދެވަނަ ދައުރަކަށް އަލީ ހާލިދު މަގާމަށް އައްޔަންކުރުމާ ގުޅޭ ގޮތުން ޕީސީބީން ބުނީ އަލުން އައްޔަންކުރީ ދައުލަތުގެ ވިޔަފާރި ތަންތަން ޕްރައިވެޓައިޒް ކުރުމާއި ކޯޕަރަޓައިޒް ކުރުމާއި މޮނިޓަކޮށް، އިވެލުއޭޓް ކުރުމުގެ ގާނޫނުގެ ދަށުން ކަމަށެވެ.
އަލީ ހަލިދަކީ އޮސްޓްރޭލިއާގެ ސްޓަޓް ޔުނިވަސިޓީން ބިޒްނަސް އެޑްމިނިސްޓްރޭޝަން ހާސިލުކުރައްވާފައިވާ ބޭފުޅެކެވެ.