ކުޑަކުއްޖަކު ރޭޕްކުރި މައްސަލާގައި ކްރިމިނިކަލް ކޯޓުން އިއްވި 40 އަހަރުގެ ހުކުމާ ގުޅިގެން އެ މައްސަލައިގެ ތަހުގީގުގައި އިސްކޮށް ހުންނެވި ފުލުހަށް ޕޮލިސް ކޮމިޝަނަރު މުހައްމަދު ހަމީދު ތައުރީފުކުރައްވައިފި އެވެ.
ކްރިމިނަލް ކޯޓުން ބުދަ ދުވަހު ކުރި ހުކުމާ ގުޅިގެން ސީޕީ ކިރެއްވި ޓްވީޓެއްގައި ވިދާޅުވީ ލ. އަތޮޅު ކަލައިދޫގައި އަންހެން ކުއްޖާ ރޭޕްކުރި މައްސަލާގައި އެ ރަށު މާކަރީލައިޓް މުހައްމަދު ޝަޒުލީފުގެ މައްޗަށް ކުށް ސާބިތުވީ، އެ މައްސަލައިގެ ތަހުގީގު ކުރިއަށް ގެންދިޔަލެއް ފުރިހަމަ ކަުމުން ކަށެވެ. އެހެންވެ އެ ތަހުގީގައި އިސްކޮށް ހުންނެވި ސީނިއާ ސާޖަންޓް ހަސަން އާދިލްގެ މަސައްކަތްތަމަށް ސީޕީ ތައުރީފުކޮށް މަރުހަބާ ވިދާޅުވެފައިވެ އެވެ.
I just congratulated Senior Sergeant Hassan Adil from Laamu Gan Police for his excellent investigative work that gave 40 years imprisonment for child sexual offender Mohamed Shazleef of L. Kalaidhoo. This demonstrates the strong police response to violence against women & girls.
— Mohamed Hameed (@M_Hameedh) January 19, 2023
ސީޕީ ވިދާޅުވީ މި ހުކުމުން ހާމަވި ކަމަކީ އަންހެނުންނާއި ކުޑަކުދިންނަށް ކުރާ އަނިޔާތަކާ ދެކޮޅަަށް ފުލުހުން މަސައްކަތްކުރާ ކަން ކަމަށެވެ.
ޖެނުއަރީ 6، 2018 ގައި 17 އަންހެން ކުއްޖާ ރޭޕްކުރީ ކަލައިދޫ ވެތެރެއަށް ގެންގޮހެވެ. އަދި އަނާ ރޭޕުކުރުމަށް ފަހު، ބަރަހަނާ ފޮޓޮ އާއި ވީޑިއޯ ނެގިކަމުގެ ދައުވާ ޝަޒްލީފްގެ މައްޗަށް އުފުލި އެވެ. އޭނަ މައްޗަށް އުފުލި ދެ ދައުވާގެ ތެރެއިން ރޭޕުގެ ކުށުގެ ދައުވާ ސާބިތުވުމުން އިއްވީ 20 އަހަރުގެ ޖަލު ހުކުމެކެވެ. އަދި ކުޑަކުއްޖަކު މެދުވެރިކޮށް އޮރިޔާން ކާޑު އުފެއްދުމުގެ ކުށުގެ ދައުވާ ސާބިތުވުމުން ވެސް އިއްވީ 20 އަހަރުގެ ހުކުމެކެވެ. އެއާ އެކީ ޝަޒްލީފުގެ މައްޗަށް އައި ޖުމްލަ 40 އަހަރުގެ ޖަލު ހުކުމެކެވެ.