ވިޔަފާރީގެ މުއާމަލާތްތަކަށް މިހާރު ދުނިޔޭގެ ކުންފުނިތަކުން ބޭނުންކުރާ އެސްއޭޕީ އަރީބާ ނެޓުވޯކް އެސްޓީއޯ އަށް ތައާރަފުކޮށްފި އެވެ.
އެ ވިއުގަ ތައާރަފުކުރުމަށް ކުރުމަށް ބޭއްވި ހަފުލާގައި އަރީބާ ނެޓްވޯކް ތައާރަފުކޮށްދެއްވީ އެސްޓީއޯގެ ޖެނެރަލް މެނޭޖަރު މުހައްމަދު ޝިފާނެވެ.
Our team highlight the effectiveness on how the SAP ARIBA system will assist us in digitally transforming the way we do business from source to pay.#SAP_ARIBA#STO_ARIBA #STO_Source2Pay pic.twitter.com/LYIGrFXv7K
— STO (@stoplc) January 19, 2023
އެސްޓީއޯ އިން ބުނީ އެ ނެޓްވޯކަކީ ފަސް ދުވަހުގެ ޕްރޮކިއުމަންޓު މަސައްކަތް ފަސް ގަޑިއިރަށް ބަދަލުކޮށްދޭނެ ނެޓްވޯކެއް ކަމަށާއި ނެޓްވޯކަށް މަސައްކަތްތައް ބަދަލު ކުރާނީ، ނެޓްވޯކާ ގުޅޭ ގޮތުން ސަޕްލަޔަރުންނަށް ބޭނުންވާ މައުލޫމާތު ހިއްސާކޮށް، އެ ނެޓްވޯކަށް އަހުލުވެރިވުމުން ކަމަށެވެ. އަދި މީގެ ސަބަބުން އެސްޓީއޯގެ މަސައްކަތްތަކަށް ބޮޑު ކުރިއެރުމަކާއި ފަސޭހައެއް ލިބިގެން ދާނެ ކަމަށް އެ ކުންފުނިން ބުންޏެވެ.
We are pleased to announce STO's collaboration with SAP ARIBA; our new supplier business cooperation network. This will ensure the consolidation and control of all our spending, from source to pay. #SAP_ARIBA#STO_ARIBA
#STO_Source2Pay pic.twitter.com/nQSHIEXh8T— STO (@stoplc) January 19, 2023
އަރީބާ ނެޓްވޯކަކީ ކްލައުޑް ބޭސްޑް އޮންލައިން ނެޓްވޯކެކެވެ. އޭގެ އެހީ ސަޕްލަޔަރުންނާ ކުރަން ޖެހޭ ހުރިހާ މުއާމަލާތްތަކެއް ވަރަށް ފަސޭހަކަމާ އެކީ ކުރެވޭނެ އެވެ. އެގޮތުން ބިޑަށް ހުޅުވާލުމާއި، ބިޑު ހުށަހެޅުމާއި، ތަކެތީގެ ކޯޓޭޝަން ހުށަހެޅުމާއި، އޯޑަރުކޮށް ކޮންފާމް ކުރުމާއި ޑެލިވަރީ ނޮޓިފިކޭޝަން ފަދަ ކަން ކުރެވޭނެ އެވެ.
އެސްޓީއޯ އިން ބުނީ އަރީބާ ނެޓްވޯކު ބޭނުން ކުރަން ސަޕްލަޔަރުން އެއްވެސް ފީއެއް ދައްކަން ނުޖެހޭނެ އެވެ.