ތުޅާދޫގައި ދެކޮޅަށް އަޑުއުފުލީ ޕީޕީއެމަށް ނިސްބަތްވާ ބައެއް ކަމަށް ތުޅާދޫ ދާއިރާގެ މެންބަރު ހިސާން ހުސައިން ވިދާޅުވެއްޖެއެވެ.
ހިސާން އިއްޔެ ތުޅާދޫއަށް ދިޔުމުން، ބަޔަކު އެއްވެ އޭނާއާ ދެކޮޅަށް އަޑުއުފުލާ މަންޒަރު ފެންނަ ވީޑިއޯތަކެއް އިއްޔެ ވަނީ ސޯޝަލް މީޑިއާގައި ދައުރުވެފައެވެ.
އެކަމާ ގުޅިގެން ހިސާން ކުރެއްވި ޓްވީޓެއްގައި ވިދާޅުވެފައިވަނީ އޭނާ ހުންނެވީ ތުޅާދޫގައި ކަމަށެވެ. ހިސާން ވިދާޅުވީ ގަޔަށް ބޮލަށް އަރަން އުޅުނީ ޕީޕީއެމްގެ 10 މީހުން ކަމަށާއި، އޭނާގެ ވަށާލައިގެން ތިބީ އޭނާގެ ޓީމުގެ މީހުން ކަމަށެވެ. އަދި އޭނާއާ ދެކޮޅަށް އެއްވި މީހުންގެ ތެރޭގައި އެމްޑީޕީއަށް ނިސްބަތްވާ މީހަކު ނެތްކަމަށްވެސް ވިދާޅުވިއެވެ.
"ޕީޕީއެމް މީހުން ގޮވީ ރައީސް ނަޝީދަށް އަޅުގަނޑު ސަޕޯޓް ނުކުރާ ވާހަކަ. އަޅުގަނޑު ހިތުން މިއީ، އެމްޑީޕީ އެންމެންވެސް ވިސްނާލަންޖެހޭ ކަމެއް." ހިސާންގެ ޓްވީޓްގައިވެއެވެ.
Alhugadu mi huree Thulhaadhoo ga. Thulhaadhoo PPM 10 meehun nukume gayah bolah aran ulhuneema alhugadu vashaa ethibee alhugaduge team meehun. MDP kuhjje ethaaku nei. PPM meehun govee RN ah alhugadu support nukuraavaahaka. Alhugadu hithun mee MDP emmenves visnaalan jehey kameh.
— Hisaan 🎈؟ (@hisaanhussain) January 23, 2023
އެމްޑީޕީގެ ރިޔާސީ ޕްރައިމަރީގެ ކެމްޕޭންގައި ހިސާން ތާއީދުކުރައްވަމުން އަންނަނީ ރައީސް އިބްރާހިމް މުހައްމަދު ސޯލިހަށެވެ. މީގެކުރިން ހިސާން ފާހަގަކުރެވިފައިވަނީ ރައީސް މުހައްމަދު ނަޝީދަށް ތާއީދުކުރައްވާ މެންބަރެއްގެ ގޮތުގައެވެ.