ގއ. ވިލިނގިލީގެ ތަރައްގީ ގުޅިފައިވަނީ ރައީސް އިބްރާހިމް މުހައްމަދު ސޯލިހުއާ ކަމަށް އެ ދައިރާގެ މެންބަރު ސައުދު ހުސައިން ވިދާޅުވެއްޖެއެވެ.
ސައުދު ކުރެއްވި ޓްވީޓެއްގައި ވިދާޅުވެފައިވަނީ، ވިލިނގިލީގެ ތަރައްގިއާއި އެމްޑީޕީއަށް ލިބޭ ކާމިޔާބީ ގުޅިފައިވަނީ ރައީސް ސޯލިހުއާ ކަމަށެވެ.
"އެމަނިކުފާނަކީ ހިޔާލުތަފާތުވުންތަކާ އެކު، މައިނޯރިޓީއަށް އިހުތިރާމުކޮށް ގައުމައި ރައްޔިތުންނަށް ހެޔޮ ވެރިކަމެއް ކޮށްދެއްވާ ރައީސެއް." ސައުދު ވިދާޅުވިއެވެ.
ސައުދު ވިދާޅުވީ ގއ. ވިލިނގިލީގެ ރައްޔިތުން އެދެނީ ރައީސް ސޯލިހަށް ދެވަނަ ދައުރެއް ލިބުމަށް ކަމަށެވެ.
Villingili ge tharaggee aai MDP ah mi libey kāmiyāb gulhifavany Raees @ibusolih, e manikufānaky khiyālu thafāthuvun thakai eku minority ah ihuthirāmkoh gaumai rayyithunnah heyo verikameh kodhevva Raeeseh, Villingili rayyithun edheny RIMS ah dhevana dhaureh. pic.twitter.com/ZOMHGFMmEq
— Saud Hussain (@SaudVillingili) January 23, 2023
އެމްޑީޕީގެ ރިޔާސީ ޕްރައިމަރީގެ ވޯޓުލުން ޖެނުއަރީ 28 ވަނަ ދުވަހު ބޭއްވުމަށް ހަމަޖެހިފައިވާއިރު، މި އިންތިހާބުގައި ވާދަކުރައްވަނީ އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު އަދި ރައީސުލްޖުމްހުރިއްޔާ އިބްރާހިމް މުހައްމަދު ސޯލިހެވެ.
ޕްރައިމަރީގެ ކެމްޕޭން ދެ ރައީސުން ފޯރީގައި ކުރިއަށް ގެންދަވާއިރު ދެ ރައީސުންވެސް އަންނަނީ ރަށްރަށަށް ދަތުރުކުރައްވާ ކެމްޕޭން ކުރިއަށް ގެންދަވަމުންނެވެ.