މި އަހަރުގެ ރިޔާސީ އިންތިހާބު އެމްޑީޕީ އަށް ކާމިޔާބުކުރަން ރައީސް އިބްރާހީމް މުހައްމަދު ސޯލިހު ނޫން ޗޮއިސްއެއް އެ ޕާޓީ އަށް ނެތް ކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު (މަވޯޓާ) ވިދާޅުވެއްޖެ އެވެ.
އޭނަ ނިސްބަތްވާ އައްޑޫގައި ޕްރައިމަރީގައި ވާދަކުރައްވާ މުހައްމަދު ނަޝީދު މިހާރު ކެމްޕޭން ކުރައްވަމުން ގެންދަވާ އިރު، މަވޯޓާ މިއަދު ކުރެއްވި ޓްވީޓެއްގައި ވިދާޅުވީ ނަޝީދަށް ރިޔާސީ ޓިކެޓް ލިބިއްޖެ ނަމަ ރިޔާސީ އިންތިހާބުގައި އެމްޑީޕީ ވާނީ ބަލި ކަމަށެވެ.
"މި ޕްރައިމަރީގެ ތެރެއިން މި ފެންނަނީ ވާދަވެރި ކެންޑިޑޭޓާ ބައިވެރިވެގެން އިދިކޮޅު ޕާޓީ، ޕީޕީއެމުން ހެސް ކިޔާފައި ފިތުނަ ފަތުރާ ތަން،" އޭނާ ވިދާޅުވި އެވެ. "މިކަމުގެ ފަހަތުގައި އޮތީ އެމްޑީޕީ ބަލިކުރުން."
MDP ah 2023, ge riyaasee inthikhaabu kaamiyaabuvaan othee @ibusolih MDP ge candidate akah vegen.Enoon choice eh nei. Mi primary therein mi fennanee vaadha veri candidate aa baiverivegen idhikolhu partyPPM in hes kiyaafa fithuna fathuraathan. Mikamuge fahathu othee MDP bali kuran
— Ibrahim Shareef (@AdduShareef) January 24, 2023
މަވޯޓާ ވިދާޅުވީ ރިޔާސީ އިންތިހާބު އެމްޑީޕީ އަށް ކާމިޔާބުވާނީ ރައީސް ސޯލިހާ އެކީގައި ކަމަށެވެ.
"ރިޔާސީ އިންތިހާބު ކާމިޔާބުވާން އޮތީ ރައީސް ސޯލިހު އެމްޑީޕީގެ ކެންޑިޑޭޓަކަށްވެގެން،" އޭނާ ވިދާޅުވި އެވެ. "އެ ނޫން ޗޮއިސްއެއް ނެތް."
ޕްރައިމަރީ އޮންނާނީ އަންނަ ހޮނިހިރު ދުވަހު އެވެ. ޕްރައިމަރީ ގާތްވަމުން އަންނަ އިރު، ރައީސާއި ނަޝީދު ވެސް ގެންދަވަނީ ވަރަށް ފޯރީގައި ކެމްޕޭން ކުރައްވަމުންނެވެ.
މި އަހަރުގެ ރިޔާސީ އިންތިހާބު އޮންނާނީ ސެޕްޓެމްބަރު 9 ގަ އެވެ.