ކްރިމިނަލް ކޯޓުގެ ގާޒީ ކަމަށް 10 ފަރާތެއް ކުރިމަތިލައިފިއެވެ.
ކްރިމިނަލް ކޯޓުގެ ގާޒީކަމުގެ ދެ މަގާމަކަށް ކުރިމަތި ލުމުގެ ފުރުސަތު ޖޭއެސްސީން ހުޅުވާލީ މިއަދުގެ 02:00 އާ ހަމައަށެވެ.
އެމަގާމަށް ކުރިމަތިލި ފަރާތްތަކުގެ ވަނަވަރު ޖޭއެސްސީން ވަނީ ހާމަކޮށްފައެވެ. އެގޮތުން ކްރިމިނަލް ކޯޓުގެ ގާޒީ ކަމަށް ކުރިމަތިލާފައިވަނީ މުޙައްމަދު އިޙްސާން / ނޫރުވާދީ ކ.ތުލުސްދޫ، މުޙައްމަދު ސަމީރު / ހިތްވަރު ރ.އިނގުރައިދޫ، އަޙްމަދު ރިފްޝާން / ކަޝްމީރުގެ ސ. ފޭދޫ، އިބްރާހީމް އިޙްސާން / އެށެވެލި ސ.މަރަދޫ، އުއްމުކުލްޘޫމް އަބޫބަކުރު / ރަނައުރާގެ ބ. ހިތާދޫ، ރަފީއުއްދީން އަހްމަދު / ސްނޯޑްރޮޕް ސ. ހިތަދޫ، އަޙްމަދު އާދަމް / އެތުމާގެ ގއ.ގެމަނަފުށި، ޙުސައިން ސާލިމް / އާރު ހއ.މާރަންދޫ، ސިޔާމާ މުޙައްމަދު / މާލެ ދަފްތަރު ރސ 13194 އަދި އިބްރާހީމް ޛިހުނީ / ބިއްލޫރިޖެހިގެ ގއ.ނިލަންދޫ އެވެ.
ގާޒީންގެ އަސާސީ މުސާރަ އަކީ މަހަކު 30،000 ރުފިޔާއެވެ. މީގެ އިތުރުން ލިވިން އެލަވަންސްގެ ގޮތުގައި މަހަކު 15،000 ރުފިޔާ އާއި ރިސްކް އެލަވަންސްގެ ގޮތުގައި މަހަކު 3،300 ރުފިޔާ ލިބެއެވެ.