ޝެއިހް އަލީ ޒައިދު އާންމުންގެ ތެރޭގައި ނަފުރަތާއި ރުޅިވެރިކަން އުފައްދަން މަސައްކަތްކުރައްވާ ކަމަށް ބުނެ އޭނަ އިސްލާހުވާން ސަލަފް ޖަމިއްޔާ އަށް ނިސްބަތްވާ އަލީ ރަމީޒު ގޮވާލައިފި އެވެ.
ޓްވިޓާގައި އަބަދު ވެސް ވަރަށް ހަރަކާތްތެރިކޮށް އުޅުއްވާ ޒައިދު ޓެގް ކުރައްވައި ރަމީޒް ކުރި ޓްވީޓެއްގައި ބުނީ މީހުން ލައްވާ އަވަގުރުނާ ގޮއްވަން ޖެއްސުމުގެ ރާގަށް ސެލްފީތަކާއި ޓްވީޓްތައްކޮށް ނުހަދަން އެދޭ ކަމަށެވެ.
Brother @alizaid1000 Muslimunge thereyga nafrathaai, rulhiverikan ufedhdhun huttaalaasheve. Meehun lavvaa avaguraana govvan jessumuge raagah selfie thakaai tweet thah koh nuhadhaasheve. ilmuverinnakee abadhuves meesthakunnah Naseyhaiytherivaa bayekeve. Islaahu vaasheve.
— Ali Rameez (@aliramyz) January 24, 2023
"އިލްމުވެރިންނަކީ އަބަދު ވެސް މީސްތަކުންނަށް ނަސޭހަތްތެރިވާ ބައެއް. އިސްލާހުވޭ،" އޭނަ ބުންޏެވެ.
އަލީ ރަމީޒުގެ ޓްވީޓްގެ ރައްދުގައި ޒައިދު ސީދާ ވަކި އެއްޗެއް ވިދާޅެއް ނުވެ އެވެ. އެކަމަކު އޭނަގެ ޓްވީޓްގެ ފަހުން ޒައިދު ކުރެއްވި ޓްވީޓެއްގައި ވިދާޅުވީ ބުނާ ބަހެއް ބުނަނީ, އަދި ކުރާ މަޝްވަރާއެއް ކުރަނީ ވަކި މީހަކު ރުއްސާކަށް، ނުވަތަ ރުޅިއަރުވާކަށް ނޫން ކަމަށެވެ.
އަޅުގަނޑުމެން ބުނާބަހެއް ބުނަނީ, އަދި ކުރާ މަޝްވަރާއެއް ކުރަނީ ވަކިމީހަކު ރުއްސާކަށް، ނުވަތަ ރުޅިއަރުވާކަށް ނޫނެވެ. އިސްލާމްދީނާއި ދިވެހި ޤައުމަށް އެންމެ ފައިދާހުރި ގޮތްތަކަކީ އަޅުގަނޑުމެން އެދޭ އެންމެމަތީ މަޞްލަޙަތެވެ. ޙައްޤަށް ބަސްބުނުމަށް އަބަދުވެސް އަޅުގަނޑުމެން ލޯބިކުރަމެވެ!
— Ali Zaid (@alizaid1000) January 24, 2023
"އިސްލާމް ދީނާއި ދިވެހި ޤައުމަށް އެންމެ ފައިދާ ހުރި ގޮތްތަކަކީ އަޅުގަނޑުމެން އެދޭ އެންމެމަތީ މަޞްލަޙަތެވެ. ޙައްޤަށް ބަސްބުނުމަށް އަބަދުވެސް އަޅުގަނޑުމެން ލޯބިކުރަމެވެ!" ޒައިދު ވިދާޅުވި އެވެ.