ޓްވިޓާގެ އުސޫލުތަކާ ހިފާލުވެގެން އެ ޕްލެޓްފޯމުން ބޭރުކުރި ބޮލީވުޑްގެ ބަތަލާ ކަންގަނާ ރަނާވަތުގެ ޓްވިޓާ އެކައުންޓް އަލުން އިޔާދަކޮށް ދީފި އެވެ.
އޭނަގެ އެކައުންޓް އިޔާދަކޮށް ދިނުމާ އެކީ އިއްޔެ އެންމެ ފުރަތަމަ ކުރި ޓްވީޓްގައި ބުނީ އަލުން އެނބުރި ޓްވިޓާ އަށް އާދެވުމަކީ އުފަލެއް ކަމަށެވެ. ކަންގަނާގެ އެ ޓްވީޓް ތިން މިލިއަނަށް ވުރެ ގިބަ މީހުން ބަލާފައިވާ އިރު، 50،000 އަށް ވުރެ ލައިކް ވެސް ލިބިފައިވެ އެވެ. ކަންގަނާ ޓްވިޓާ އިން ބޭރުކުރީ 2021 ގެ މެއި މަހުގެ ތެރޭގަ އެވެ. އެކަމާ ގުޅިގެން އޭނަ އޭރު ޓްވިޓާގެ ސީއީއޯ ޖެކް ޑޯޯޒީ އަށް ވަރަށް އެއްޗެހި ވެސް ކިޔާފައިވެ އެވެ.
Hello everyone, it’s nice to be back here 🙂
— Kangana Ranaut (@KanganaTeam) January 24, 2023
ކަންގަނާގެ ޓްވިޓާ އަލުން އިޔާދަކޮށް ދީފައި ވަނީ މަހުޖަނު އީލޮން މަސްކް މިދިޔަ އަހަރުގެ އޮކްޓޯބަރު މަހުގެ ތެރޭގައި ޓްވިޓާ ބައްލަވަލައިގަތުމާ އެކީ ގެނައި ބަދަލުތަކާ ގުޅިގެންނެވެ.
ޓްވިޓާ އިން ކަންގަނާ ފޮލޯކުރާ މީހުންގެ އަދަދު 2.9 މިލއަނަށް އަރަ އެވެ. އެކަމަކު އޭނަގެ އެކައުންޓް މިހާރު ވެރިފައިއެއް ނޫނެވެ.
And it’s a wrap !!!
Emergency filming completed successfully… see you in cinemas on 20th October 2023 …
20-10-2023 🚩 pic.twitter.com/L1s5m3W99G— Kangana Ranaut (@KanganaTeam) January 24, 2023
އިިއްޔެ ކަންގަނާ ވަނީ އޭނަ ޑައިރެކްޓްކޮށް ކުޅޭ ފިލްމު "އިމަޖެންސީ" ގެ ޝޫޓިން ނިމުނު ވާހަކަ އާއި އެ ފިލްމު މި އަހަރުގެ އޮކްޓޯބަރު 20 ގައި ސިނަމާތަކަށް ގެންނާނެކަން ވެސް ޓްވިޓާގައި އިއުލާންކޮށްފަ އެވެ.