މުއްދަތު ހަމަވެފައިވާ ލިޔުންތައް އަންނަ މަހުގެ 22 އިން ފެށިގެން ދަތުރުކުރަން ބޭނުން ނުކުރެވޭނެ ކަމަށް ގައުމީ އެއާލައިން، މޯލްޑިވިއަނުން ބުނެފި އެވެ.
އައިލޭންޑް އޭވިއޭޝަން ސާވިސެސް (އައިއޭއެސް) އިން އޮޕަރޭޓްކުރާ އެއާލައިނުން ދަތުރުކުރުމުގައި ލުއި ފަސޭހަކޮށް ދިުމުގެ ގޮތުން މުއްދަތު ހަމަވެފައިވާ ލިޔުންތައް ބަލައިގަންނަން ފެށީ ކޮވިޑާ އެކީ ދިމާވި ހާލަތުގެ ފަހުންނެވެ. ނަމަވެސް މޯލްޑިވިއަނުން މިހާރު ނިންމާފައި އޮތީ އެފަދަ ލިޔުންތައް އަންނަ މަހުގެ 22 ގެ ފަހުން ބަލައިނުގަންނަ ގޮތަށެވެ.
— MaldivianAero (@MaldivianAero) January 24, 2023
އެގޮތުން މުއްދަތަ ހަމަވެފައިވާ އައިޑީކާށާއި ޕާސްޕޯޓާއި ވޯކް ވިސާ ކާޑާއި ލައިސަންސް ކާޑާއި އެއާޕޯޓް ސެކިއުރިޓީ ފާހާއި ސަރުކާރުގެ އިދާރާއަކުން ދޫކޮށްފައިވާ ފޮޓޯ އަދި އައިޑީ ކާޑު ނަންބަރު ޖެހި ރަސްމީ ލިޔުންތަކުގެގެ ތެރެއިން މުއްދަތު ހަމަވެފައިވާ ލިޔުންތައް ބަލައެއް ނުގަންނާނެ އެވެ.