މޯލްޑިވިއަން ޑިމޮކްރަޓިކް ޕާޓީ، އެމްޑީޕީގެ ރިޔާސީ ޕްރައިމަރީގައި ވޯޓާޒް ލިސްޓު ދިމާނުވުމުގެ ގިނަ ޝަކުވާތަކެއް ލިބެމުން އަންނަ ކަމަށް ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވެއްޖެއެވެ.
ޕްރައިމަރީގައި ވާދަކުރައްވާފައިވާ އެމްޑީޕީގެ ރައީސް މުހައްމަދު ނަޝީދުގެ ކެމްޕޭންގައި އިސްދައުރެއް އަދާކުރައްވަމުން އަންނަ ހަސަން ކުރެއްވި ޓްވީޓެއްގައި ވިދާޅުވެފައިވަނީ، ވޯޓުލާ މަރުކަޒުގައި ތިބި އޮފިޝަލުންގެ އަތުގައި އޮތް ވޯޓުލިސްޓާ، ޝާއިއު ކޮށްފައިވާ ވޯޓުލިސްޓާ ދިމާނުވާ ކަމުގެ ގިނަ ޝަކުވާތަކެއް ލިބެމުން އަންނަ ކަމަށެވެ.
Vote laa marukazugai thibi Officialun ge athugai oiy vote list aa shaaiu kuri vote list aa dhimaa nuvaa kamuge gina shakuvaa thakeh dhanee libemun. @ibusolih
— Hassan Latheef🎈 (@HassanLatheef) January 28, 2023
މީގެ އިތުރުންވެސް ގިނަ ޝަކުވާތަކެއް އެކި ފަރާތްތަކުން، ހާއްސަކޮށް ރައީސް ނަޝީދަށް ތާއީދުކުރާ ފަރާތްތަކުން އަންނަނީ ސޯޝަލްމީޑިއާގައި ހިއްސާކުރަމުންނެވެ. އެގޮތުން މި އިންތިހާބުގައި ރައީސް ނަޝީދަށް ތާއީދު ކުރެއްވި ކުރީގެ ބަންޑާރަނައިބު ދިޔާނާ ސައީދުވަނީ މާލޭގައި ބަހައްޓާފައި ހުރި ބައެއް ވޯޓު ފޮށިތަކުގެ ތެރެއިން، ގިނަ ދާއިރާތަކެއްގެ ވޯޓުފޮށި އެއްކޮށްފައިވާކަން ފާހަގަކުރައްވާފައެވެ.
މީގެއިތުރުންވެސް ފޮށީގެ ނަންބަރު ދިމާނުވުމާއި ލިސްޓުގެ މައްސަލަ ގިނަ ފަރާތްތަކަކުން ސޯޝަލްމީޑިއާގައި އަންނަނީ ފާހަގަކުރަމުންނެވެ.
ގަލޮޅު ދެފޮށީގެ ނަނބަރާ ދާއިރާ ނަމާ ދިމާ ނުވޭ. @MDPSecretariat pic.twitter.com/Oj7L79ozN9
— Eva Abdulla 🎈❓ (@evattey) January 28, 2023
އެމްޑީޕީގެ ރިޔާސީ ޕްރައިމަރީގެ ވޯޓުލުން ފެށިގެން ކުރިއަށްދާއިރު، ވޯޓުލުން ކުރިއަށްދާނީ 09:00 އިން ހަވީރު 05:00 އަށެވެ.