އެމްޑީޕީ ރިޔާސީ ޕްރައިމަރީގައި ގއ. ވިލިނގިލީ މާލޭ ފޮއްޓަށް ވޯޓާޒް ލިސްޓުގައި ނަން ނެތް މީހަކު ވޯޓު ލައިފިއެވެ.
އެކަން ސޯޝަލްމީޑިއާގައި ހާމަކޮށްފައިވަނީ މަޖިލީހުގެ ނައިބު ރައީސް އީވާ އަބްދުﷲއެވެ.
Meenage namuga meenage bappa vote lee. @MDPSecretariat
— Eva Abdulla 🎈❓ (@evattey) January 28, 2023
ޓްވިޓާގައި މިކަން ހާމަކުރުމަށްފަހު އީވާ ވަނީ އެ ފޮށި ބަހައްޓާފައިވާ ސަރަހައްދަށް ގޮސް އެ މައްސަލަ ފާހަގަކޮށްފައެވެ. އެއާއެކު އޮފށީގެ ވޯޓުލުން މެދުކެނޑި އެ ސަރަހައްދުގެ މަސްރަހު ވަނީ ހޫނުވެފައެވެ. އަދި އެ މައްސަލަ ހައްލުކުުރުމަށް އެމްޑީޕީގެ ޗެއާޕާސަންގެ ނާއިބު އިބްރާހީމް ވަހީދު (އިބްރޭ)ވެސް މަސައްކަތް ކޮށްފައިވެއެވެ.
ގއ. ވިލިގިލީ ފޮޓަށް ނަން ނެތް މީހަކު ވޯޓު ލައިފި، ފޯއްޓަށް ހަވާލުވެ ހުރި ފަރާތުން ވަނީ އެކަން ހިނގިކަން ޔަޤީން ކޮށްދީފަ.#Live pic.twitter.com/R8pZz5EGUd
— Sim (@Simwarr) January 28, 2023
ތާޖުއްދީން ސްކޫލުގައި ބަހައްޓާފައި ހުރި ގއ. ވިލިނގިލީ ދާއިރާގެ ފޮއްޓަށް ލިސްޓުގައި ނަން ނެތް މީހަކު ވޯޓުލިއިރު މިފަދަ މައްސަލަތަކެއް ސޯޝަލްމީޑިއާގައި އެކި ފަރާތްތަކުން އަންނަނީ ފާހަގަކުރަމުންނެވެ.
އެމްޑީޕީ ރިޔާސީ ޕްރައިމަރީގެ ވޯޓުލުން ކުރިއަށްދާނީ ހެނދުނު 09:00 އިން ހަވީރު 05:00 އާ ހަމައަށެވެ.
މި އިންތިހާބުގައި 57،257 މީހުންނަށް ވޯޓުލުމުގެ ހައްގު ލިބިފައިވެއެވެ. އަދި ޖުމުލަ 243 ވޯޓު ފޮށި މި އިންތިހާބުގައި ބަހައްޓާފައިވެއެވެ.