ވޯޓާޒް ލިސްޓުގައި ނަން ނެތް މީހަކު ވޯޓުލީ ކަމަށްބުނެ މާފަންނު މެދު ދާއިރާގެ ވޯޓުލުން މެދުކެނޑިއްޖެއެވެ.
އެމްޑީޕީ ރިޔާސީ ޕްރައިމަރީގެ ވޯޓުލުމް ކުރިއަށްދާއިރު ލިސްޓުގައި ނަން ނެތް މީހުން ވޯޓުލާކަމުގެ ޝަކުވާ ސޯޝަލްމީޑިއާގައި އަންނަނީ ހިއްސާ ކުރަމުންނެވެ.
އެގޮތުން މާފަންނު މެދު ދާއިރާގެ ފޮއްޓަށް ވޯޓާޒް ލިސްޓުގައި ނަން ނެތް މީހަކު ވޯޓުލުމުން އެ ފޮށީގެ ވޯޓުލުން ވަނީ މެދުކެނޑިފައެވެ.
Voting stopped in maafannu dhekunu due to unregistered people voting. pic.twitter.com/RRiiw2CBHS
— Ehab (@EhabAbdulla81) January 28, 2023
މި އިންތިހާބު ކުރިއަށްދާއިރު މައްސަލަތަކެއް ފާހަގަކޮށް ސޯޝަލްމީޑިއާގައި އެކަން އަންނަނީ ހިއްސާކުރަމުންނެވެ. އެގޮތުން ވޯޓުލާ ލިސްޓުގައި ނަން ނެތް މީހުން ވޯޓުލުމާއި، މީހުންގެ ބަދަލުގައި އެހެން މީހުން ވޯޓުލުންފަދަ މައްސަލަތަކެއް އަންނަނީ ފާހަގަ ކުރަމުންނެވެ. އަދި ގައްދޫގައި "ބޮޑީ ކެމެރާ" ހަރުކޮށްގެން ވޯޓުލީ ކަމަށްބުނެ ވޯޓުލާ މަރުކަޒުގައި ވަނީ ހަމަނުޖެހުން ހިންގާފައެވެ.
އެމްޑީޕީ ރިޔާސީ ޕްރައިމަރީގެ ވޯޓުލުން ކުރިއަށްދާނީ ހެނދުނު 09:00 އިން ހަވީރު 05:00 އާ ހަމައަށެވެ.
މި އިންތިހާބުގައި 57،257 މީހުންނަށް ވޯޓުލުމުގެ ހައްގު ލިބިފައިވެއެވެ. އަދި ޖުމުލަ 243 ވޯޓު ފޮށި މި އިންތިހާބުގައި ބަހައްޓާފައިވެއެވެ.