ޕްރައިމަރީގެ ތެރެއިން ހައްޔަރުކުރި ރައީސް މުހައްމަދު ނަޝީދުގެ އޮބްޒާވަރުންނާއި ސަޕޯޓަރުން ދޫކޮށްލުމަށް އެމަނިކުފާނު ގޮވާލައްވައިފިއެވެ.
ރައީސް މުހައްމަދު ނަޝީދު ކުރެއްވި ޓްވީޓެއްގައި ވިދާޅުވީ، ބައެއް ވޯތުފޮށި ކައިރީގައި ތިބި އެމަނިކުފާނުގެ އޮބްޒާވަރުންނާއި ތާއީދުކުރާ މީހުން ފުލުހުން ހައްޔަރު ކޮށްފައިވާ ކަމަށެވެ. އަދި އެމީހުން ވަގުތުން ދޫކޮށްލުމަށް ގޮވާލާފައިވެއެވެ.
ރައީސް ނަޝީދު ވަނީ މި ވޯޓު ގަޑުބަޑުކުރުމަށް އުޅޭ މީހުންނާމެދު ފިޔަވަޅު އެޅުމަށް ގޮވާލާފައެވެ.
Baeh vote foshi kaireega alhugadu ge faraathun thibi kithanme observerunnai thaaidhu kuraa meehun fuluhun vanee hayyarukohfa. E meehun vaguthun dhookohlumah adhi vote gadu badu kuraa meehunaai medhu fiyavalhu elhumah govaalan
— Mohamed Nasheed (@MohamedNasheed) January 28, 2023
މިހާރު ކުރިއަށްދާ އެމްޑީޕީގެ ރިޔާސީ ޕްރައިމަރީގައި ވޯޓު ފޮއްޓަށް ގެއްލުން ދިން ކަމަށްބުނެ ފުލުހުން ވަނީ ތިން މީހަކު ހައްޔަރު ކޮށްފައެވެ. އެއީ ގދ. ރަތަފަންދޫން ދެ މީހަކު އަދި ގދ. ތިނަދު އިން މީހެކެވެ.