އިންޑިއާގެ އަސްކަރިއްޔާގެ ދެ ފައިޓަ ޖެޓެއްގެ ވައިގެ ތެރޭގައި އެކަތި އަނެކައްޗާ ޖެހި ވެއްޓި ޕައިލެޓަކު މިއަދު މަރުވެއްޖެ އެވެ.
މީޑިއާތަކުން ބުނީ މި ހާދިސާ ހިނގާފައި ވަނީ މަދިއަ ޕްރަދޭޝްގެ ގްވާލިއާ އެއާ ބޭސް އިން ދެ ޖެޓް ނައްޓައިލިތާ މާ ގިނަ އިރުތަކެއް ނުވަނީސް ކަމަށެވެ. ވައިގެ ތެރޭގައި މުޑިއެރި ދެ ޖެޓްގެ ތެރެއިން އެކައްޗަކީ އެއް ޕައިލެޓް އިން ފްރާންސްގެ މިރާޖް 2000 މަރުކާގެ ޖެޓެކެވެ. އަނެއް ޖެޓަކީ ދެ ޕައިލެޓުން ތިބި، ރަޝިއާގައި އުފައްދާފައިވާ ސުކޯއީ ސޫ-30 މަރުކާގެ ޖެޓެކެވެ.
Two fighter aircraft of IAF were involved in an accident near Gwalior today morning. The aircraft were on routine operational flying training mission.
One of the three pilots involved, sustained fatal injuries. An inquiry has been ordered to determine the cause of the accident.— Indian Air Force (@IAF_MCC) January 28, 2023
ދެ ޖެޓް ޖެހި ހިނގި ހާދިސާގެ ތަހުގީގެއް ފަށާފައިވާ ކަމަށް އިންޑިއާގެ އަސްކަރިއްޔާ އިން ބުންޏެވެ. އެކަމަކު އަދި ހާދިސާ ހިންގަން ދިމާވި ސީދާ ސަބަބެއް ސާފެއް ނުވެ އެވެ.
The IAF deeply regrets to inform that Wg Cdr Hanumanth Rao Sarathi suffered fatal injuries during the accident. All air warriors and the fraternity stand strongly with the bereaved family.
— Indian Air Force (@IAF_MCC) January 28, 2023
މިދިޔަ އަހަރުގެ އޮކްޓޯބަރު މަހުގެ ތެރޭގައި ވެސް އިންޑިއާގެ އަސްކަރިއްޔާގެ ހެލިކޮޕްޓަރެއް ވެއްޓި ފަސް އޮފިސަރަކު މަރުވެފައިވެ އެވެ. އަދި 2021 ގެ ޑިސެމްބަރުގެ މަހުގެ ތެރޭގައި އަސްކަރިއްޔާގެ ހެލިކޮޕްޓަރެއް ދަތުރުކުރަމުން ދަނިކޮށް ފަރުބަދައެއްގައި ޖެހި، ގޮވައި އަސްކަރިއްޔާގެ އޭރުގެ ވެރިޔާ ޖެނެރަލް ބިިޕިން ރަވަތާ އެކީ އިތުރު ބަޔަކު މަރުވެފައިވެ އެވެ.