ރައީސް އިބްރާހީމް މުހައްމަދު ސޯލިހުގެ ސިޔާސަތުތަކަށް އެމްޑީޕީގެ އާންމު ގިނަ މެމްބަރުންގެ ތާއީދު އޮތްކަން އިއްޔެ ބޭއްވި އެ ޕާޓީގެ ރިޔާސީ ޕްރައިމަރީން ވެސް ސާފުވެއްޖެ ކަމަށް ސަރުކާރު ކޯލިޝަންގައި ހިމެނޭ އަދާލަތު ޕާޓީގެ ރައީސް އިމްރާން އަބްދުﷲ ވިދާޅުވެއްޖެ އެވެ.
ހޯމް މިނިސްޓަރުގެ މަގާމުގައި ހުންނެވި އިމްރާނަށް ރައީސަށް މަރުހަބާ ވިދާޅުވެ، ކުރެއްވި ޓްވީޓެއްގައި ވިދާޅުވީ ރައީސަކީ ތަފާތު އެކި ފިކުރުގެ ގިނަ ބަޔަކު ގޮވައިގެން ގައުމު ހިންގޭ ވަރުގެ ބޭފުޅެއް ކަމަށެވެ.
Miandhu beyvvi MDPge primary boduthafaathakun kaamiyaab kurevvi Raees @ibusolih ah varah hoonu maruhabaeh dhannavan.Thafaathu fikuruge ginameehun baiverikoh mashwara ge usoolun gaumu hingumah Raees gengulhuvvaa siyaasathah mdp ge aammu membarunge bodu thaaeedhu oyikan saafuvejje.
— Imran Abdulla (@ShimranAb) January 28, 2023
"ތަފާތު ފިކުރުގެ ގިނަ މީހުން ބައިވެރިކޮށް މަޝްވަރާގެ އުސޫލުން ގައުމު ހިންގުމަށް ރައީސް ގެންގުޅުއްވާ ސިޔާސަތަށް އެމްޑީޕީގެ އާންމު މެމްބަރުންގެ ތާއީދު އޮތްކަން ސާފުވެއްޖެ." މިނިސްޓަރު ވިދާޅުވި އެވެ.
ކުރީގެ ރައީސް މުހައްމަދު ނަޝީދާ ވާދަކުރައްވައި ރައީސް ބޮޑު ތަފާތަކުން ޕްރައިމަރީ ކާމިޔާބު ކުރެއްވި އިރު، އިމްރާން ދާދި ފަހުން ވިދާޅުވި ގޮތުގައި ދެން ވެސް ރާއްޖޭގައި އުފެދޭނީ އަދާލަތު ޕާޓީ ހިމެނޭ ކޯލިޝަން ސަރުކާރެކެވެ.