މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ އެޕްރެންޓިސް ޕްރޮގްރާމްގެ ފުރަތަމަ ބުރުގައި 75 މީހަކު ތަމްރީން ކުރަން ނިންމައިފި އެވެ.
މި ޕްރޮގްރާމު ފެށުމުގެ ގޮތުން އިއްޔެ ހުޅުލޭ އައިލެންޑް ހޮޓަލުގައި ބޭއްވި ރަސްމިއްޔާތުގައި ވަނީ ޔޫތު މިނިސްޓްރީ އާއި އެމްއޭސީއެލްއާ ދެމެދު އެއްބަސްވުމެއްގައި ސޮއިކޮށްފަ އެވެ. އެއްބަސްވުމުގައި މިނިސްޓީގެ ފަރާތުން ސޮއިކުރެއްވީ ސްޓޭޓް މިނިސްޓަރު ހުސައިން އިސްމާއިލެވެ. އެމްއޭސީއެލްގެ ފަރާތުން އެއްބަސްވުމުގައި ސޮއިކުރެއްވީ ޑެޕިއުޓީ މެނޭޖިން ޑިރެކްޓަރު އިބްރާހީމް ތޯހާ އެވެ.
Empowering the youth of Maldives to reach new heights!
We are thrilled to partner with @MoYSCEmv to launch an apprenticeship program at the Maldives Airports Company. This program will train 75 people in the skills they need to be successful in the aviation industry. pic.twitter.com/0NUGLZkBdp
— Maldives Airports Company Ltd – MACL (@MACLmedia) February 1, 2023
ތޯހާ ވިދާޅުވީ، އެއާޕޯޓަށް އަންނަ އުމްރާނީ ތަރައްގީ އާއި ޓެކްނޮލޮޖީގެ ކުރިއެރުންތަކާ އެއްވަރަށް ތަމްރީން ލިބިފައިވާ ފަންނީ މުވައްޒަފުން ލިބުމަކީ ކުރިމަތިވާ ގޮންޖެހުމެއް ކަމަށެވެ. ނަމަވެސް މި ސަރުކާރުގެ ވައުދާ އެއްގޮތަށް މިފަދަ ޕްރޮގްރާމެއްގެ ހިންގުމަކީ މުވައްޒަފުން ހޯދުމަށް އެމްއޭ.ސީއެލް އަށް ލިބިގެންދާނެ ލުޔެއް ކަމަށް ވިދާޅުވި އެވެ.
On this opportunity, MACL will train non-academic and technical staff in order to help them advance in their careers and give them a chance to get a level 3 certificate.#ApprenticeshipProgram #empoweringyouth pic.twitter.com/RAfzM0rOmx
— Maldives Airports Company Ltd – MACL (@MACLmedia) February 1, 2023
އެ ރަސްމިއްޔާތުގައި ހުސައިން ވިދާޅުވީ ރާއްޖޭގެ ވަޒީފާގެ ބާޒާރުގައި ވަޒީފާތައް ހުރި ނަމަވެސް އެ ވަޒީފާތަކަށް ބޭނުންވާ ފަންނީ ޒުވާނުން ބޭނުންވާ ވަރަށް ނެތް ކަމަށެވެ. އެހެންވެ އެޕްރެންޓިސްޝިޕް ޕްރޮގްރާމުތަކުގެ ތެރެއިން ކިޔެވުމުގެ އެކި މަރުހަލާތަކުން އެކި ސަބަބުތަކާއި ހެދީ ވަކިވެފައިވާ ޒުވާނުންނަށް ތަމްރީނުދީ ވަޒީފާގެ ބާޒާރަށް ނެރެވޭނެ ކަމަށް ވިދާޅުވި އެވެ.
— Ministry of Youth,Sports and Community Empowerment (@MoYSCEmv) February 1, 2023
އެމްއޭސީއެލުން ފެށި އެޕްރެންޓިސްޝިޕް ޕްރޮގްރާމުގެ ތެރެއިން ތިން އަހަރު ދުވަހުގެ ތެރޭގައި ޖުމްލަ 225 މީހުން ތަމްރީނުކުރަން ވަނީ ނިންމައިފަ އެވެ. އެގޮތުން ފުރަތަމަ ބުރުގައި ޖުމްލަ 75 ފަރާތްތަކަށް ތަފާތު 20 ދާއިރާއަކުން ތަމްރީނާއި ތަޖުރިބާ ދެވޭނެ އެވެ. ހަ މަސް ދުވަހުގެ މި ތަމްރީނު ޕްރޮގްރާމުގައި އެ ކުންފުނީގެ 50 މުވައްޒަފުންނާއި އަދި ޕްރޮގްރާމަށް އެޕްލައިކުރި ފަރާތްތަކުގެ ތެރެއިން ހޮވުނު 25 ޒުވާނުން ބައިވެރިވެ އެވެ.
މިއީ ގައުމީ ސަނަދުގެ އޮނިގަނޑުގެ ސެޓްފިކޭޓް ލެވެލް 3ގެ ޕްރޮގްރާމެކެވެ. މި ޕްރޮގްރާމް ކުރިއަށް ގެންދަނީ ހަޔަ އެޑިއުކޭޝަން، މިނިސްޓްރީ އާއި ޔޫތު މިނިސްޓްރީ އާއި މޯލްޑިވްސް ނެޝަނަލް ސްކިލް ޑިވެލޮޕެންޓް އޮތޯރިޓީ ގުޅިގެން އެއޮތޯރިޓީގެ ނެޝަނަލް ކޮމްޕިޓެންސީ ސްޓޭންޑަޑްތަކާ އެއްގޮތަށެވެ.